قار، جاڭبىر، جەل - قازگيدرومەت بۇگىنگى كۇن رايى بولجامىن جاريالادى
«قارا تەڭىز اۋداندارىنان بەلسەندى سيكلون ءالى دە ەلىمىزدىڭ اۋا رايىنا ىقپال ەتەدى. قازاقستان اۋماعىندا جاۋىن- شاشىن (جاڭبىر، قار) ساقتالادى، سولتۇستىگىندە، سولتۇستىك- باتىسىندا - قار، وڭتۇستىگىندە، وڭتۇستىك- شىعىسىندا جاڭبىر جاۋادى. رەسپۋبليكا بويىنشا جەلدىڭ كۇشەيۋى، تۇمان، سولتۇستىكتە، سولتۇستىك- باتىستا، ورتالىقتا، شىعىستا - كوكتايعاق، سولتۇستىكتە، سولتۇستىك- باتىستا - بۇرقاسىن، وڭتۇستىكتە، وڭتۇستىك- شىعىستا، وڭتۇستىك- باتىستا - شاڭدى داۋىل، نايزاعاي، بۇرشاق كۇتىلەدى»، - دەپ جازدى سينوپتيكتەر.
ونداعى مالىمەتتەرگە قاراعاندا، پاۆلودار وبلىسىنىڭ وڭتۇستىگىندە، باتىسىندا، تۇندە اقمولا، قوستاناي وبلىستارىنىڭ باتىسىندا، شىعىسىندا قاتتى قار جاۋادى.
كۇندىز الماتى وبلىسىنىڭ وڭتۇستىگىندە، تاۋلى اۋداندارىندا، جەتىسۋ وبلىسىنىڭ ورتالىعىندا، تاۋلى اۋداندارىندا، تاڭەرتەڭ جانە كۇندىز تۇركىستان وبلىسىنىڭ تاۋلى اۋداندارىندا، تۇندە ماڭعىستاۋ وبلىسىنىڭ سولتۇستىگىندە، تاڭەرتەڭ جانە كۇندىز جامبىل وبلىسىنىڭ وڭتۇستىگىندە، تاۋلى اۋداندارىندا قاتتى جاڭبىر جاۋادى.
اقتوبە وبلىسىنىڭ سولتۇستىگىندە، ورتالىعىندا، شىعىس قازاقستان وبلىسىنىڭ سولتۇستىگىندە، شىعىسىندا، تۇندە اتىراۋ وبلىسىنىڭ وڭتۇستىگىندە، كۇندىز اباي وبلىسىنىڭ شىعىسىندا قاتتى جاۋىن- شاشىن (جاڭبىر، قار) كۇتىلەدى.
