21:35, 14 - ءساۋىر 2023 | GMT +5
اتا-انا مەن باۋىرلاردىڭ بولماۋى ميدىڭ دامۋىن تەجەيدى
استانا. قازاقپارات - تولىققاندى وتباسىنىڭ بولماۋى ءسابي ميىنىڭ دامۋىنا كەدەرگى كەلتىرەدى. مۇنداي تۇجىرىمدى گارۆارد ۋنيۆەرسيتەتى مەن بوستون پەدياتريالىق اۋرۋحاناسىنىڭ ماماندارى جاساپ وتىر.
رۋمىنيالىق بالالار ۇيلەرىنىڭ 8 بەن 11 جاس ارالىعىنداعى تاربيەلەنۋشىلەرىنە جۇرگىزىلگەن زەرتتەۋ الەۋمەتتىك قىزمەت قامقورلىعىنداعى بالالار ميىندا اق جانە سۇر زاتتاردىڭ از بولاتىنىن كورسەتكەن. سۇر زاتتاردىڭ ازدىعى جەتىمدەردىڭ جۇيكەسى مەن بۇلشىق ەتتەرىنە، ەستە ساقتاۋ، سويلەۋ جانە ەموسيالىق قابىلەتتەرىنە كەرى اسەر ەتكەن. ال تولىققاندى وتباسىندا تاربيەلەنىپ جاتقان بالالاردىڭ ميىندا مۇنداي كەمشىلىك انىقتالمادى. مامانداردىڭ ايتۋىنشا، وگەي ادامدار ورتاسىندا وسكەن بالالاردا ىقىلاسقا زارۋلىك پەن گيپەربەلسەندىلىك سيندرومى بولادى. سونىڭ سالدارىنان پسيحيكالىق اۋىتقۋلار مەن IQ كورسەتكىشىنىڭ تومەندەۋى دە بايقالۋى مۇمكىن.
