باۋىردى وبىردان ساقتايتىن تاعامدار انىقتالدى
The Daily Mail-دىڭ حابارلاۋىنشا، زەرتتەۋگە قاتىسقاندار ە دارۋمەنى بار تاعامداردى ءجيى قولدانۋىنا بايلانىستى ەكى توپقا بولىنگەن. ەكى توپتىڭ مالىمەتتەرىن سالىستىرعان كەزدە، بادام، جەرجاڭعاق، بالقاراعاي جاڭعاعى، كەپتىرىلگەن ورىك سياقتى ونىمدەردى كوپ تۇتىناتىنداردىڭ قاتەرلى ىسىكتەن ايتارلىقتاي قورعالعانى بەلگىلى بولدى.
شاڭحاي قاتەرلى ىسىك ينستيتۋتىنىڭ دارىگەرى چجاڭ ۋەيدىڭ ايتۋىنشا، اتالعان ونىمدەردىڭ قۇرامىنداعى زاتتار باۋىردا ىسىكتىڭ پايدا بولۋىنا جول بەرمەيدى. سونىمەن بىرگە ولاردىڭ ەگدە ادامداردىڭ جۇرەگى مەن كوزىنە پايداسى زور. الەم بويىنشا ءولىم-جىتىمگە سوقتىراتىن ونكولوگيالىق اۋرۋلاردىڭ ىشىندە باۋىر راگى - ءۇشىنشى ورىندا. قاتەرلى ىسىكتىڭ بۇل ءتۇرىنىڭ %54 ى قىتايلىقتارعا تيەسىلى. مامانداردىڭ زەرتتەۋىنە قاتىسقانداردىڭ اراسىندا باۋىر قاتەرلى ىسىگىنە شالدىققان 267 ادام بولدى.
