شوكولاد جەگەسىن ءتىستى نەگە شەتكامەن تازالاۋعا بولمايدى؟
قانت تىسكە زيان، شوكولاد، پەچەنە، تورت جانە باسقا دا تاتتىلەردى كوپ جەگەن سايىن قاۋىپ ارتا تۇسەدى. سونىمەن قاتار، قاراپايىم شەتكامەن تازالاۋ جەتكىلىكسىز: ءتىس شەتكاسى زاماناۋي جانە قىمبات بولسا دا، تىستەردىڭ اراسىندا تۇرىپ قالعان تاماق بولشەكتەرىن تولىعىمەن كەتىرە المايدى. ول ءۇشىن يرريگاتور مەن ءتىس ءجىبىن پايدالانۋ كەرەك.
«شوكولادتاعى قانتتىڭ كوپ مولشەرى زياندى ول ءتىس تاسىنىڭ پايدا بولۋىنا سەبەپ بولۋى مۇمكىن، ەگەر تاتتىلەر تىستە قالسا ءتىستىڭ شىرۋىنە، پۋلپيتكە جانە قىزىل يەك اۋرۋلارىنا اكەلۋى مۇمكىن»، - دەيدى ستوماتولوگ اماندا شيحان.
تاتتىدەن كەيىن دەرەۋ تىستەرىن تازالاۋ وتە زيان ەكەن. دارىگەرلەر ءتىستى تازالاماس بۇرىن، شامامەن 20-30 مينۋت كۇتۋدى ەسكەرتەدى.
«قۇرامىندا قىشقىلدار نەمەسە قانتى بار تاماقتان كەيىن تىستەرىڭىزدى تازالاساڭىز، ءتىس ەمالىنا زاقىم كەلتىرەسىز. سىلەكەي ۋلى زاتتاردىڭ زياندى اسەرىن بەيتاراپتاندىرۋعا ۇلگەرمەيدى، سوندىقتان شەتكامەن تازالاۋ تەك تىسكە زيان. ۋاقىت وتە كەلە ەمال جۇقارادى جانە كاريەس پايدا بولىپ، قىزىل يەك قاناعىش بولادى. ال ەگەر زارداپ شەككەن ءتىس دەر كەزىندە ەمدەلمەسە، ستوماتولوگ كومەگىنە جۇگىنەسىز»، - دەيدى مامان.
تاعى ءبىر ماڭىزدى ەسكەرتۋ ءتىستى جۋعاسىن عانا ۇيىقتاڭىز. ءتىپتى قاتتى شارشاپ، توسەككە تەزىرەك جاتقىڭىز كەلسە دە ءتىس تازالاۋدى كەيىنگە قالدىرماڭىز. تۇندە تاماق بولىكتەرىندە قالعان ميكروبتار بەلسەندى تۇردە كوبەيە باستايدى، ويتكەنى سىلەكەي كۇندىزگىدەي مولشەردە وندىرىلمەيدى.
تىستەرىڭىزدى ساۋ ۇستاۋعا كومەكتەسەتىن تاعى بىرنەشە كەڭەستەر:
• تاماق اراسىندا تازا سۋ ءىشۋ؛
• ساعىز شايناڭىز، ول سىلەكەي شىعارۋعا كومەكتەسەدى؛
• ازىراق تاعام جەۋ كەرەك؛
• قارا جانە كوك شاي ءىشىڭىز - سۋسىننىڭ بۇل سورتتارىندا فتوريد بار، سوندىقتان تىستەردى قورعاۋعا جانە ءتىس جەگىسىنىڭ الدىن الۋعا كومەكتەسەدى.
جانە ارينە، مۇمكىن بولسا، تاماقتان كەيىن ءتىستى تازالاڭىز.
