ىشكى ىستەر مينيسترلىگى جۇيەسىندە قانداي وزگەرىستەر بولىپ جاتىر

استانا. قازاقپارات - سوتقا دەيىنگى تەرگەپ-تەكسەرۋدىڭ بەينەفورماتى ەنگىزىلىپ جاتىر.

بۇل تۋرالى ىشكى ىستەر مينيسترلىگىنىڭ كەڭەيتىلگەن القا وتىرىسىندا ۆەدومستۆو باسشىسى مارات احمەتجانوۆ ءمالىم ەتتى، دەپ حابارلايدى قازاقپارات Polisia.kz سايتىنا سىلتەمە جاساپ.

وتىرىستىڭ نەگىزگى تاقىرىبى - ىشكى ىستەر ورگاندارىنداعى جۇيەىشىلىك وزگەرىستەر. اتاپ ايتقاندا، كادرلىق پروتسەستەردى اۆتوماتتاندىرۋ جانە پوليتسيا قىزمەتىن سيفرلاندىرۋ ناتيجەلەرى، قوعامدىق ءتارتىپتى ساقتاۋ جانە قۇقىق بۇزۋشىلىقتاردىڭ الدىن الۋ ماسەلەلەرى قارالدى. تۇرمىستاعى قۇقىق بۇزۋشىلىقتاردىڭ الدىن الۋ بولەك تالداندى.

«قىلمىستىڭ الدىن الۋدىڭ تولىققاندى جۇيەسىن قالىپتاستىرۋ قاجەت. ولاردىڭ ورىندالۋىنا ىقپال ەتەتىن سەبەپتەر مەن جاعدايلاردى بولدىرماۋ بويىنشا جۇمىس جۇرگىزۋ ماڭىزدى. بۇل - پروبلەماعا باعىتتالعان ءتاسىل. الدىن الۋ جۇمىستارى مەملەكەتتىك ورگانداردىڭ، اكىمدىكتەردىڭ، جۇرتشىلىق پەن حالىقتىڭ ورتاق جاۋاپكەرشىلىگى نەگىزىندە قۇرىلۋى ءتيىس. اتالمىش قاعيداتتار قوعامدىق قاۋىپسىزدىكتى قوعاممەن ارىپتەستىكتە قامتاماسىز ەتۋ تۇجىرىمداماسىنىڭ نەگىزى بولىپ تابىلادى»، - دەپ اتاپ ءوتتى مارات احمەتجانوۆ.

ءى ءى م مالىمەتىنشە، جۇمىستىڭ نەگىزگى باعىتى - ۇيىمداسقان قىلمىسقا قارسى ءىس-قيمىل. بيىل ۇيىمداسقان قىلمىستىق توپتاردىڭ 11 كوشباسشىسى، 7 بەدەلدىسى، 66 مۇشەسى جاۋاپقا تارتىلدى. بۇدان بولەك، ەسىرتكى قىلمىسىنا قارسى ءىس-قيمىلدار، كيبەرقىلمىس پەن «تەلەفون تەرروريزمىنە» قارسى كۇرەسكە ەرەكشە تالقىلاندى.

قازىر مينيسترلىك قىلمىستىق ىستەردى تەرگەۋدىڭ جەدەلدىگى مەن ساپاسىن ارتتىرۋ، ازاماتتار قۇقىعىن قورعاۋ ءۇشىن قىلمىستىق پروتسەستى وڭتايلاندىرۋ جۇمىستارىپ جۇرگىزىپ جاتىر. ماسەلەن، سوتقا دەيىنگى تەرگەپ-تەكسەرۋدىڭ بەينەفورماتى ەنگىزىلۋدە. بۇل - ءداستۇرلى ادىستەن الشاقتاۋ جانە «پوليتسيا حاتتاماسىن» ەنگىزۋگە قادام. سوندىقتان جەكە قۇرامدى تەرگەۋ ارەكەتتەرىن جۇرگىزۋدىڭ جاڭا ەرەجەلەرىنە ۇيرەتۋ تاپسىرىلدى.

مارات احمەتجانوۆ قازىر ادامدارمەن جۇمىس ىستەۋگە، قىزمەتكەرلەردى دامىتۋعا جانە ىنتالاندىرۋعا، ولاردىڭ قۇقىعىن قورعاۋعا، مەريتوكراتيا قاعيداتىنا جانە ءمورالدىق-پسيحولوگيالىق احۋالدى ارتتىرۋعا باسا نازار اۋدارىلاتىنىن اتاپ ءوتتى.

وتكەن جىلدىڭ شىلدە ايىنان باستاپ كەزەكتى شەندەردى الۋ ءۇشىن ارنايى ۇسىنىمدار قاجەت ەمەس. مەرزىمى جەتكەندە بۇيرىق اۆتوماتتى تۇردە شىعارىلادى. وسى فورمات بويىنشا 13 مىڭنان استام قىزمەتكەر شەن الدى. قىزمەتكەرلەردىڭ دەمالىس كەستەسىنىڭ ورىندالۋى اقپاراتتىق جۇيەمەن باقىلانادى.

جەكە قۇرامدى ماراپاتتاۋ ساياساتى دا وزگەردى. وتكەن جىلى ءمينيستردىڭ قۇقىعىمەن 17 مىڭنان استام قىزمەتكەر ماراپاتتالدى، ونىڭ %77 اتقارۋشى قۇرام.