ەلوردادا ءاربىر بەسىنشى جول اپاتى جاياۋ جۇرگىنشىنىڭ كىناسىنەن بولادى
«جول-كولىك وقيعالارىنىڭ باستى سەبەبى - جۇرگىزۋشىلەردىڭ تارتىپسىزدىگى. سونىمەن قاتار ءاربىر بەسىنشى وقيعا نەمەسە قۇقىق بۇزۋشىلىقتاردىڭ 30 پايىزى جاياۋ جۇرگىنشىلەردىڭ كىناسىنەن بولىپ وتىر. بيىل I توقساندا 94044 قۇقىق بۇزۋشىلىقتىڭ جولى كەسىلىپ، 729 ميلليون 438 مىڭ 497 تەڭگەگە ايىپپۇل سالىندى. ونىڭ ىشىندە 479 ميلليون 654 مىڭ 11 تەڭگەگە وتەلدى. اتاپ ايتقاندا، 4284 جاياۋ جۇرگىنشىگە، 456 ماس جۇرگىزۋشىگە، 452 باسقارۋ قۇقىعىنان ايىرىلعان ازاماتقا ايىپپۇل سالىندى»، - دەپ ءمالىم ەتتى استانا قالالىق اكىمشىلىك پوليتسيا باسقارماسىنىڭ ءبولىم باسشىسى باۋىرجان توعجۇمانوۆ ب ا ق وكىلدەرىنىڭ قاتىسۋىمەن وتكەن بريفينگىدە.
سونىمەن بىرگە ول جىل باسىنان بەرى ەلوردا اۋماعىندا 110 جول-كولىك وقيعاسى تىركەلىپ، سالدارىنان 6 ادام قازا تاپقانىن ايتتى. بۇعان قوسا، 123 ادام ءارتۇرلى دەنە جاراقاتىن العان.
ەسكە سالا كەتەيىك، تاياۋدا اكىمشىلىك پوليتسيا كوميتەتىنىڭ ەرەكشە تاپسىرمالار جونىندەگى اعا ينسپەكتورى اقتوتى بورانوۆا جىل سايىن 13 مىڭنان استام جول-كولىك وقيعاسى تىركەلىپ، 2 مىڭنان استام ادام قازا تاباتىنىن مالىمدەپ ەدى.
