تۇركىستان وبلىسىندا كولىكتى قارسى باعىتقا ايداعان جۇرگىزۋشى جاۋاپقا تارتىلدى

تۇركىستان. قازاقپارات - تۇركىستان وبلىسىندا كولىگىمەن قارسى باعىتقا شىعىپ، جول ەرەجەسىن بۇزعان جۇرگىزۋشى جاۋاپقا تارتىلدى، دەپ حابارلايدى قازاقپارات ءتىلشىسى.

وقيعا جەتىساي اۋدانىندا بولعان. جۇرگىزۋشى كولىكتى قارسى باعىتقا قاراي ايداپ، ونى ۆيدەوعا ءتۇسىرىپ العان. كەيىن الەۋمەتتىك جەلىگە جۇكتەگەن. ونىڭ بۇل ارەكەتىن جەلى ارقىلى بىردەن بايقاعان ءتارتىپ ساقشىلارى «جۇگەنسىز» جۇرگىزۋشىنى ىزدەپ تاپتى.

«جول قوزعالىسى ەرەجەسىن ورەسكەل بۇزعان جۇرگىزۋشىگە قاتىستى قر اقبتك- ءنىڭ 596-بابى 5-بولىگى» كولىك قۇرالىن جولدىڭ ءجۇرۋ بولىگىندە ورنالاستىرۋ، قارسى ءجۇرىپ ءوتۋ نەمەسە باسىپ وزۋ قاعيدالارىن بۇزۋ «مەن 599-بابى 1-بولىگى» باعدارشامنىڭ تىيىم سالاتىن سيگنالىنا نەمەسە رەتتەۋشىنىڭ تىيىم سالاتىن قيمىلىنا قاراماي ءوتۋ«بويىنشا اكىمشىلىك حاتتاما تولتىرىلدى. ال كولىك ايىپتۇراققا قويىلدى» - دەلىنگەن تۇركىستان وبلىسى پوليتسيا دەپارتامەنتىنىڭ باسپا ءسوز قىزمەتى تاراتقان اقپاراتتا.