قىتاي جاساندى ينتەللەكت ونىمدەرىن ءجىتى تەكسەرىستەن وتكىزبەك
قاۋىپسىزدىك ورگاندارى مۇنداي شارانى ەنگىزۋ قاجەتتىلىگى تۋرالى قوعامدىق تىڭداۋلاردىڭ باستالعانىن ءمالىم ەتتى. باسقارمانىڭ حابارلاماسىندا ايتىلعانداي، بيلىكتىڭ پىكىرىنشە، گەنەراتيۆتى جاساندى ينتەللەكت قولداناتىن ونىمدەر قىتاي زاڭناماسىنىڭ قولدانىستاعى تالاپتارىنا سايكەس كەلۋى كەرەك.
چات-بوتتار سەكىلدى جاساندى ينتەللەكت مازمۇنى قوعامدىق مورال نورمالارىنا قايشى كەلمەۋى كەرەك، سونىمەن قاتار مەملەكەتتىك بيلىككە نۇقسان كەلتىرۋگە، سوتسياليستىك جۇيەنى قۇلاتۋعا، ەل ىشىندە لاڭ سالۋعا، سونداي- اق ۇلتتىق تۇتاستىقتى ساقتاۋعا زيان تيگىزبەۋى ءتيىس، - دەلىنگەن حابارلامادا.
سونداي-اق زاڭ جوباسى بويىنشا ازىرلەۋشىلەر وزدەرى جاساعان جاساندى ينتەللەكتتىڭ جۇمىسى مەن ول جينايتىن اقپاراتتارعا تولىقتاي جاۋاپتى بولماق. ال بيلىك وكىلدەرىنىڭ قازىرگى تاڭدا كومپانيالارداعى گەنەراتيۆتى جاساندى ينتەللەكت ونىمدەرىنىڭ جۇمىسىن قالاي تەكسەرەتىنى ازىرگە بەلگىسىز.
ايتا كەتەيىك، قىتاي بيلىگىنىڭ مۇنداي شەشىم قابىلداۋىنا ءتۇرلى سۇراقتارعا جاۋاپ بەرىپ، تاپسىرمالاردى ورىنداۋعا كومەك بەرەتىن Chatgpt چات-بوتى اسەر ەتۋى مۇمكىن. قىتايدا امەريكالىق OpenAI كومپانياسى جاساعان اتالمىش بوت قىزمەتىن پايدالانۋعا رەسمي تۇردە رۇقسات بەرىلمەگەن. الايدا، كەيبىر ازىرلەۋشىلەر جاساندى ينتەللەكتكە WeChat ارقىلى قول جەتكىزدى. قىتايلىق باسقا دا پايدالانۋشىلار VPN جانە ۆيرتۋالدى شەتەلدىك تەلەفون نومىرلەرى چات-بوت قىزمەتىن پايدالانىپ ءجۇر.
