قازاقستاندا تەمەكى شەگۋدەن باس تارتۋعا كومەكتەسەتىن موبيلدى قوسىمشا ازىرلەنەدى
«اشىق ن ق ا» پورتالىندا 2023-2025 -جىلدارعا ارنالعان «سالاۋاتتى ءومىر سالتىن ناسيحاتتاۋدى كۇشەيتۋ، دەنساۋلىق ماسەلەلەرى بويىنشا حالىقتىڭ ساۋاتتىلىعىن ارتتىرۋ» 91-تارماعىن ورىنداۋ جونىندەگى جول كارتاسىن بەكىتۋ تۋرالى پرەمەر- مينيستر وكىمى جاريالاندى. ول 27-ساۋىرگە دەيىن قوعامدىق تالقىدا بولادى.
جول كارتاسىنىڭ شەڭبەرىندە تەمەكى شەگۋدەن باس تارتۋ جونىندە ءموبيلدى قوسىمشا ازىرلەۋ جانە ەنگىزۋ كوزدەلگەن. ءموبيلدى قوسىمشا 2024 -جىلعى جەلتوقسان ايىنا دەيىن ازىرلەنۋى كەرەك.
«بۇل جوباعا دەنساۋلىق ساقتاۋ مينيسترلىگى، استانا، الماتى جانە شىمكەنت قالالارىنىڭ اكىمدىكتەرى، تسيفرلىق دامۋ مينيسترلىگىنىڭ ءبىرىنشى باسشىلارى مەن ولاردىڭ ءبىرىنشى ورىنباسارلار جاۋاپتى. موبيلدى قوسىمشانى ازىرلەۋگە قارجىلاندىرۋ كوزى قاجەت ەمەس»، - دەپ جازىلعان قۇجاتتا.
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكستە تەمەكى ونىمدەرىن تۇتىنۋدىڭ الدىن الۋ جانە شەكتەۋ جونىندەگى شارالار بەلگىلەنگەن. 18 جاسقا تولماعان بالالارعا تەمەكى ونىمدەرىن تۇتىنۋعا جانە ساتۋىنا، ال 21 جاسقا دەيىنگى ادامدارعا ساتۋعا زاڭمەن تىيىم سالىنعان.
تەمەكى ونىمدەرىنە تىيىم سالىنعان ورىندار:
ءبىلىم بەرۋ ۇيىمدارىندا، سونداي-اق كامەلەتكە تولماعانداردىڭ دەمالۋىنا ارنالعان ۇيىمداردا؛
دەنساۋلىق ساقتاۋ ۇيىمدارىندا؛
قوعامدىق تاماقتانۋ ورىندارىندا؛
مۋزەيلەردە، كىتاپحانالاردا، كينوتەاترلاردا، تەاترلاردا، سيركتەردە، كونسەرت، كورمە زالدارىندا، سپورت ۇيىمدارى مەن ارەنالارىندا جانە كوپشىلىكتىڭ دەمالۋىنا ارنالعان باسقا دا ورىنداردا؛
تۇنگى كلۋبتاردا، ديسكوتەكالاردا؛
پويىزداردا، ۇشاق بورتىندا، كەمەلەردە، قوعامدىق كولىگى سالوندارىندا، مەترودا، تاكسيدە؛
اۋەجايلاردىڭ، تەمىرجول، اۆتوموبيل جانە سۋ ۆوكزالدارىنىڭ عيماراتتارىندا، قوعامدىق كولىكتىڭ جابىق ايالدامالارىندا؛
مەملەكەتتىك ورگاندار مەن ۇيىمداردا؛
جۇمىس ورىندارىندا؛
ۇيلەردىڭ كىرەبەرىستەرىندە؛
اۆتوجانارماي قۇيۋ ستانتسيالارىندا؛
بالالار الاڭدارىندا؛
جەراستى وتكەلدەردە؛
اۆتوكولىكتە كامەلەتكە تولماعان بالالار بولعان كەزدە.
