ورازا ۇستاعاندا ادام اعزاسىندا قانداي وزگەرىستەر بولادى؟

استانا. قازاقپارات - ورازا قانت ديابەتى اۋرۋىنا توسقاۋىل بولىپ، ارتىق سالماقتان ارىلۋعا اسەرىن تيگىزەدى. ورازانىڭ تەرى اۋرۋلارىنا پايداسى بار.

حولەستەرين مولشەرى تومەندەيدى جانە دە جۇرەك قان تامىرلارى اۋرۋلارىنىڭ الدىن الۋعا سەپتىگىن تيگىزىپ، قان قىسىمنىڭ كوتەرىلمەۋىنە ىقپال ەتەدى.

جاپون بيولوگى ەسينوري وسۋمي ادام اشىققان كەزدە اۋتوفاگيا قۇبىلىسى ىسكە قوسىلاتىنىن دالەلدەدى. ياعني، ءتىرى جاسۋشا ءالسىز، اۋرۋشاڭ جاسۋشالاردى «ازىق» ەتىپ، ادام اعزاسىنىڭ اۋرۋعا، قارتايۋعا قارسى تۇراتىنىن انىقتادى. وسىنى دالەلدەگەنى ءۇشىن وسۋميگە 2016 -جىلى مەديتسينا سالاسىنان نوبەل سىيلىعى بەرىلگەن بولاتىن.

ورازا تۇتۋ - قانداعى قانت ۇلەسىن بارىنشا تومەن مولشەرگە تۇسىرۋگە ۇلكەن سەپتىگىن تيگىزەدى. سەبەبى ورازا ۇستاعان كەزدە ادامنىڭ ۇيقى بەزى دەمالادى. ۇيقى بەزى قانتتى كراحمالدى زاتتار مەن مايلارعا اينالدىراتىن ينسۋلين بولەدى. سودان قانت ديابەتىنىڭ الدىن الادى.

اۋىز بەكىتۋ - تەرى اۋرۋلارىمەن كۇرەسۋگە پايدالى. سەبەبى ادام ورازا تۇتقان كەزدە قانداعى سۋ مولشەرى ازايادى. ياعني تەرىدەگى سۋ قۇرامى دا كەميدى دەگەن ءسوز. بۇل - تەرىنىڭ قۋاتتىلىعىن ارتتىرىپ، زياندى ميكروبتار مەن باكتەريالارعا قارسى تۇرۋعا كومەكتەسەدى. سونىمەن قاتار، اشىعۋ اعزادا تۇزدىڭ جينالۋىن تومەندەتەدى.

تۇزدىڭ جينالۋى كوپ تاماقتانۋدان، اسىرەسە، ەتتەن جاسالعان ونىمدەرمەن كوپ قورەكتەنۋدەن پايدا بولادى. بۇلشىقەتتەردەگى پروتەين مولشەرى كوبەيىپ بۇزىلا باستايدى. بۇل بۋىنداردا نەسەپ قىشقىلىنىڭ جينالۋىنا اكەپ سوعادى.

قانداعى نەسەپ تۇزىنىڭ مولشەرى كوبەيىپ، بۇيرەكتە تاس پايدا بولادى. اشىعۋ اسىرەسە اسقازان جۇمىسىنا جاقسى. ويتكەنى ول دەمالعاندى ۇناتادى. ال ۋاقىتشا اشىعۋ اسقازاننىڭ دەمالۋىنا كومەكتەسەدى. سونىمەن قاتار، قان قويۋلانۋىن بولدىرمايدى. جانە دە ارتەريالىق قان قىسىمىن قالىپقا كەلتىرەدى.