استانالىق دارىگەرلەر ارباعا تاڭىلعان قىزدى اياعىنا تۇرعىزدى

استانا. قازاقپارات - اكادەميك ن. ج. باتپەنوۆ اتىنداعى ۇلتتىق تراۆماتولوگيا جانە ورتوپەديا عىلىمي ورتالىعىنىڭ دارىگەرلەرىنە قىزىلوردانىڭ 25 جاستاعى تۇرعىنى: «مەن ءوز اياعىممەن جۇرگىم كەلەدى. كومەكتەسىڭىز» دەپ كومەك سۇراپ جۇگىندى، دەپ حابارلايدى قازاقپارات.

تۋا بىتكەن جەتىلمەگەن وستەوگەنەزى، ەكى اياعىنىڭ كوپتەگەن دەفورماتسياسى بار قىز بىرنەشە رەت پاتولوگيالىق سىنىقتاردى باستان وتكەردى، سوندىقتان مۇگەدەكتەر ارباسىنا تاڭىلدى.

فوتوسۋرەتتە ەكى جىلىنشىك پەن وڭ جامباستىڭ ورەسكەل، كوپتەگەن دەفورماتسيالارى، ەكى اياقتىڭ بۇلشىقەت گيپوتروفياسى كورسەتىلگەن.

ۇزاق ۋاقىت بويى ول كونسەرۆاتيۆتى تۇردە ەمدەلدى. ۇ ت و دارىگەرلەرى باسقا ءتاسىل ارقىلى وپەراتسيا جاساۋعا شەشىم قابىلدادى.

قىزعا وڭ جامباستىڭ جانە ەكى جىلىنشىك سۇيەكتەرىنىڭ تۇزەتكىش وستەوتومياسى، بلوكتالعان پلاستينانىڭ سينتەزى جانە بلوكتاۋشى ستەرجەننىڭ وستەوسينتەزى جاسالدى. ۇزاق وڭالتۋدان كەيىن ول اياعىنان تۇردى.