تۋۋ كۋالىگىن تىركەۋ، اتى مەن تەگىن وزگەرتۋ قۇجاتتارى قانشا تۇرادى

استانا. قازاقپارات - «ازاماتتارعا ارنالعان ۇكىمەت» قىزمەتكەرلەرى ورىندايتىن ازاماتتىق حال اكتىلەرىن مەملەكەتتىك تىركەۋ سالاسىنداعى جەكەلەگەن جۇمىستاردىڭ باعالارىن بەكىتۋ تۋرالى» سيفرلىق دامۋ ءمينيسترىنىڭ بۇيرىعى «اشىق» ن ق ا پورتالىندا جاريالاندى، دەپ حابارلايدى قازاقپارات ءتىلشىسى.

قۇجاتتا كورسەتىلگەندەي، ەندى ازاماتتىق حال اكتىلەرىن مەملەكەتتىك تىركەۋ جۇمىستارىنا مىنا باعالار بەلگىلەنەدى:

1. بالانىڭ تۋۋىن مەملەكەتتىك تىركەۋ - 8433 تەڭگە؛

2. قايتىس بولعان بالانى جانە ءومىردىڭ ءبىرىنشى اپتاسىندا قايتىس بولعان بالانى مەملەكەتتىك تىركەۋ - 8252 تەڭگە؛

3. ءبىر جاسقا تولعان جانە ودان دا كوپ بالانىڭ تۋۋىن مەملەكەتتىك تىركەۋ (مەرزىمىن وتكىزىپ العان جاعدايدا) - 8698 تەڭگە؛

4. قازاقستان رەسپۋبليكاسىنان تىس جەردە تۋعان كامەلەتكە تولماعان بالانىڭ تۋۋىن مەملەكەتتىك تىركەۋ - 8603 تەڭگە؛

5. اتىن، اكەسىنىڭ اتىن، تەگىن وزگەرتۋگە بايلانىستى تۋۋدى مەملەكەتتىك تىركەۋ تۋرالى اكتىلىك جازباعا وزگەرىستەر، تولىقتىرۋلار ەنگىزۋ - 8525 تەڭگە؛

6. بالا اسىراپ الۋعا بايلانىستى تۋۋدى مەملەكەتتىك تىركەۋ تۋرالى اكتىلىك جازباعا وزگەرىستەر، تولىقتىرۋلار ەنگىزۋ - 8337 تەڭگە؛

7. شەتەل ازاماتتارى اسىراپ العان كەزدە دەربەس دەرەكتەردىڭ وزگەرۋىنە بايلانىستى تۋۋدى مەملەكەتتىك تىركەۋ نەمەسە تۋۋدى مەملەكەتتىك تىركەۋ تۋرالى اكت جازباسىنا وزگەرىستەر، تولىقتىرۋلار ەنگىزۋ - 8649 تەڭگە؛

8. نەكە قيۋدى مەملەكەتتىك تىركەۋ - 9667 تەڭگە؛

9. نەكە قيۋدى (ەرلى- زايىپتىلىقتى) مەملەكەتتىك تىركەۋ تۋرالى، ونىڭ ىشىندە اتىن، تەگىن، اكەسىنىڭ اتىن وزگەرتۋگە بايلانىستى اكتىلىك جازباعا وزگەرىستەر، تولىقتىرۋلار ەنگىزۋ - 8714 تەڭگە؛

10. ءولىمدى مەملەكەتتىك تىركەۋ - 8833 تەڭگە؛

11. ءولىمدى مەملەكەتتىك تىركەۋ تۋرالى اكت جازباسىنا وزگەرىستەر، تولىقتىرۋلار ەنگىزۋ - 9189 تەڭگە.

قىزمەتتەردىڭ ءتىزىمى جانە ولاردىڭ قۇنى تۋرالى تولىق اقپاراتتى مىنا سىلتەمە بويىنشا ءوتىپ، تانىسۋعا بولادى. ەسكەرەتىنى: بۇل باعالار - تەك 1 قۇجات ءۇشىن.

بۇيىرىق جوباسى 24-ساۋىرگە دەيىن كوپشىلىك تالقىلاۋدا بولادى.