22:09, 12 - ءساۋىر 2023 | GMT +5
الماتى وبلىسىندا ۇستاتپايتىن قار بارىستارى ۆيدەوعا ءتۇسىرىلدى
استانا. قازاقپارات - ەكولوگيا مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى قىزىل كىتاپقا ەنگەن سيرەك كەزدەسەتىن قار بارىستارى تۇسىرىلگەن ۆيدەونى ءبولىستى، - دەپ حابارلايدى Tengritravel.kz ءتىلشىسى.
جىرتقىشتار كولساي كولدەرى ۇلتتىق پاركىندە فوتوتۇزاققا ءتۇسىپ قالعان.
«سوڭعى مالىمەتتەرگە سايكەس، ەلىمىزدە شامامەن 140-180 قار بارىسى بار. سيرەك كەزدەسەتىن جانۋار 1978 -جىلى قازاقستاننىڭ قىزىل كىتابىنا ەنگىزىلگەن. قىزىل كىتاپقا ەنگەن جانۋارلاردى زاڭسىز اۋلاعان جاعدايدا مۇلكى تاركىلەنىپ، 10 -جىلعا دەيىن باس بوستاندىعىنان ايىرۋ جازاسى قاراستىرىلعان»، - دەپ حابارلادى كوميتەت.
ساراپشىلار فوتوتۇزاقتاردىڭ بولعانىنا قاراماستان، قار بارىسىن ءتۇسىرۋ قيىن. ەركىندىكتى سۇيەتىن جانۋار ءجيى قونىس اۋدارادى، سوندىقتان ولاردىڭ قوزعالىسىن باقىلاۋ وڭاي ەمەس. ولار شەكارالاس ايماقتاردى مەكەندەيدى.
View this post on Instagram
