ءۇرجار تۇرعىنى «جۇكتىمىن» دەپ جازادان قاشپاق بولدى
جاۋاپ الۋ كەزىندە قۇقىق بۇزۋشى جۇكتىلىگى تۋرالى قاراما-قايشى ايعاقتار بەرە باستادى. وسىعان نازار اۋدارعان پروكۋرور ءىستى قاراۋدى كەيىنگە قالدىرۋدى سۇراپ، مەديتسينالىق قۇجاتتاردى تەكسەردى. تەكسەرۋ ناتيجەسىندە جۇكتىلىك تۋرالى انىقتاما جالعاندىعى انىقتالىپ، پروكۋراتۋرا كۇدىكتىنى قىلمىستىق جاۋاپكەرشىلىككە تارتۋ ءۇشىن قۇجاتتاردى پوليتسياعا جولدايدى. 11-ناۋرىزدا ءۇرجار اۋداندىق سوتىنىڭ ۇكىمىمەن 385-بابىنىڭ 3-بولىگىمەن، ياعني سوتقا جالعان قۇجات ۇسىنعانى ءۇشىن كىنالى دەپ تانىلىپ، وعان ايىپپۇل سالىندى، - دەلىنگەن اباي وبلىسى پروكۋراتۋراسىنىڭ حابارلاماسىندا.
سونىمەن قاتار، سوت قاۋلىسىمەن ول ا ق ب ت ك-نىڭ 608-بابىنىڭ 1-بولىگى بويىنشا كىنالى دەپ تانىلىپ، 15 تاۋلىككە قاماۋعا الىندى جانە كولىك باسقارۋ قۇقىعىنان 7 جىلعا ايىرىلدى. وسىلايشا، اكىمشىلىك جاۋاپكەرشىلىكتەن قۇتىلماقشى بولۋعا تىرىسقان ازامات، كەرىسىنشە، ءوز جاعدايىن ودان ءارى ۋشىقتىرىپ، قىلمىسكەر اتاندى.
