ۇلتتىق ەكونوميكا ۆيتسە-ءمينيسترى ءىلياس وسەروۆ ۇستالدى - انتيكور

استانا. قازاقپارات – ق ر ۇلتتىق ەكونوميكا ءمينيسترىنىڭ ورىنباسارى ءىلياس وسەروۆ قاماۋعا الىندى.

اقپاراتتى سىبايلاس جەمقورلىققا قارسى ءىس- قيمىل اگەنتتىگىنىڭ باسپا ءسوز قىزمەتى راستادى، دەپ حابارلايدى قازاقپارات ءتىلشىسى.

«قاماۋعا الىنعانىن راستايمىز، ازىرگە ءىستىڭ ءمان-جايى تۋرالى مالىمەت بەرىلمەيدى»، - دەدى انتيكور ءتوراعاسىنىڭ كەڭەسشىسى ارمان تىلەۋكەنوۆ قازاقپارات تىلشىسىنە.

ەسكە سالساق، ءىلياس وسەروۆ وتكەن جىلى 2-ناۋرىزدا ۇلتتىق ەكونوميكا ۆيتسە-ءمينيسترى بولىپ تاعايىندالعان ەدى.

ءىلياس وسەروۆ 1985 -جىلى الماتى قالاسىندا تۋعان. ءال-فارابي اتىنداعى قازاق ۇلتتىق ۋنيۆەرسيتەتىن، ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىن، تۇران-استانا ۋنيۆەرسيتەتىن بىتىرگەن.

ەڭبەك جولىن 2007 -جىلى «سبەربانك» ا ق اكىمشىسى، جەتەكشى مامانى، مەنەدجەرى بولىپ باستادى.

2009-2010 -جىلدارى – ق ر ەكونوميكا جانە بيۋدجەتتىك جوسپارلاۋ مينيسترلىگىنىڭ ينۆەستيتسيالىق ساياسات دەپارتامەنتىندە ءتۇرلى لاۋازىمدار اتقاردى.

2010-2013 -جىلدارى – ق ر ەكونوميكالىق دامۋ جانە ساۋدا مينيسترلىگى ينۆەستيتسيالىق ساياسات دەپارتامەنتىنىڭ ساراپشىسى، باس ساراپشىسى.

2013-2014 -جىلدارى – ق ر ەكونوميكا جانە بيۋدجەتتىك جوسپارلاۋ مينيسترلىگىنىڭ باسقارما باسشىسى.

2014-2015 -جىلدارى - قارجى، اقپاراتتاندىرۋ جانە اقپاراتتىق رەسۋرستاردى قورعاۋ دەپارتامەنتى اقپاراتتىق قاۋىپسىزدىك باسقارماسىنىڭ باس ساراپشىسى؛ ق ر باس پروكۋراتۋراسى جانىنداعى ماتەريالدىق- تەحنيكالىق قامتاماسىز ەتۋ باسقارماسىنىڭ باسشىسى.

2015-2019 -جىلدارى - الماتى قالاسى ەكونوميكا جانە بيۋدجەتتىك جوسپارلاۋ باسقارماسى باسشىسىنىڭ ورىنباسارى، باسشىسى.

2019 -جىلى الماتى قالاسى ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى بولدى.

2019 -جىلدىڭ مامىر ايىنان قازىرگى ۋاقىتقا دەيىن الماتى قالاسى اكىمىنىڭ ورىنباسارى قىزمەتىن اتقاردى.