الداعى ءۇش كۇندە قازاقستاندا كۇن كۇرت سۋىتىپ، قار جاۋىپ، كوكتايعاق بولادى

استانا. قازاقپارات - الداعى ءۇش كۇندە قازاقستاندا اۋا تەمپەراتۋراسى كۇرت تومەندەپ، قار جاۋىپ، بۇرقاسىن جانە كوكتايعاق بولادى، دەپ حابارلايدى قازاقپارات «قازگيدرومەت» ر م ك-عا سىلتەمە جاساپ.

«سۋىق انتيسيكلون جانە اركتيكالىق اۋا ماسسالارى كەزىندە رەسپۋبليكانىڭ بارلىق اۋماعىندا اۋا تەمپەراتۋراسى كۇرت تومەندەپ، جاۋىن-شاشىن كوپ تۇسەدى. ەلىمىزدىڭ سولتۇستىگىندە نەگىزىنەن قار جاۋىپ، جاياۋ بۇرقاسىن بولادى، وڭتۇستىك وڭىردە نايزاعاي ويناپ، بۇرشاق جاۋۋى مۇمكىن»، - دەلىنگەن سينوپتيكتەردىڭ حابارلاماسىندا.

ەلىمىزدە جەلدىڭ كۇشەيۋى دە بولجانىپ وتىر، سولتۇستىك ايماقتاردا تۇمان، كوكتايعاق بولادى. 14-ساۋىردە رەسپۋبليكانىڭ سولتۇستىك-باتىسىندا جانە سولتۇستىگىندە اۋا تەمپەراتۋراسى 10 گرادۋسقا كۇرت تومەندەسە، وڭتۇستىك وبلىستاردا 15-ساۋىردە سالقىندايدى، ءبىراق وعان دەيىن كۇن سولتۇستىكتە 20 گرادۋسقا دەيىن، ال وڭتۇستىگىندە 33 گرادۋسقا دەيىن ىسيدى.