16:05, 12 - ءساۋىر 2023 | GMT +5
قازاقستاندا تيك-توكتى قولدانۋعا تىيىم سالۋ ۇسىنىلدى
استانا. قازاقپارات - ءماجىلىس دەپۋتاتى امانجول ءالتاي كامەلەتكە تولماعاندارعا TikTok قوسىمشاسىن پايدالانۋعا تىيىم سالۋدى ۇسىندى.
دەپۋتاتتىق ساۋالدى ماجىلىسمەن پرەمەر-ءمينيستردىڭ ورىنباسارى التاي كولگىنوۆكە جولدادى. امانجول ءالتاي ءوز سوزىندە جاسوسپىرىمدەر اراسىنداعى جاعاۇستاتارلىق وقيعالار كوبەيىپ بارا جاتقانىن، مەكتەپتە، وتباسىندا، جالپى قوعامدا بالا تاربيەسى وزەكتى ەكەنىن ايتتى.
«وقۋ-اعارتۋ مينيسترلىگى مەكتەپتەردە مۇعالىمدەر وقۋشىلارعا تەك اكادەميالىق ءبىلىم بەرىپ قانا قويماي، بالالارعا بەرگەن تاربيەسىن دە تارازىلاۋ مەحانيزمدەرىن ەنگىزگەن ءجون. الەۋمەتتىك پەداگوگ، سىنىپ جەتەكشىسى قىزمەتىن ۇيىمداستىرۋ قاعيدالارىن قايتا قاراۋى ءتيىس. قازاقستاندا بالالار اراسىندا شەكتەۋسىز قىزمەت جاساپ جاتقان Tik-Tok الەۋمەتتىك جەلىسىن كامەلەت جاسقا تولماعان جاسوسپىرىمدەر اراسىندا تىيىم سالۋ كەرەك»، - دەيدى دەپۋتات.
