استانادا نارازىلىققا شىققان مۇنايشىلاردىڭ كوشباسشىلارى مالىمدەمە جاسادى

استانا. قازاقپارات - استانادا نارازىلىققا شىققان «بەرالى» كومپانياسىنىڭ جۇمىسشىلارى جولمۇرات ۇلىقپانوۆ پەن نۇرسۇلتان نۇرىموۆ ۆيدەوۇندەۋ ءتۇسىرىپ، سانكسيالانباعان ميتينگ ءۇشىن ۇستالعان مۇنايشىلار ماڭعىستاۋعا قايتارىلاتىنىن جەتكىزدى، دەپ حابارلايدى قازاقپارات.

ۆيدەوۇندەۋ الەۋمەتتىك جەلىلەردە تارادى.

سونداي- اق ولار بۇل ماسەلەنى ماڭعىستاۋدا «قازمۇنايگاز» كومپانياسى وكىلدەرىمەن بىرگە كوميسسيا قۇرىپ، شەشەتىنىن ايتتى.

«قازىر پوليتسيا بولىمىندە ءجۇرمىز. كەلىپ وتىرعان كەلىسىمىمىز بويىنشا جاڭاوزەننەن كەلگەن مۇنايشىلاردىڭ ءبىر بولىگىن تاڭەرتەڭ پويىزبەن، ءبىر بولىگىن ۇشاقپەن ەلگە قايتارامىز. قازمۇنايگاز وكىلدەرىمەن اقىلداسىپ، وزەنمۇنايگاز جانە تەندەر ماسەلەسىن كوميسسيا قارايتىن بولدى. ساناۋلى 4-5 اداممەن وسىندا قالىپ، كەلىسىمشارتقا قول قويۋ ماسەلەسىمەن اينالىسامىز»، - دەيدى ۆيدەودا جولمۇرات ۇلىقپانوۆ.

مۇنايشىلار جاڭاوزەندەگى قولداۋشىلارىن زاڭسىز ارەكەتكە بارماۋعا جانە ۇيلەرىنە قايتۋعا شاقىردى.

ەسكە سالا كەتەيىك، كەشە ەنەرگەتيكا مينيسترلىگى عيماراتىنىڭ الدىنا 70-كە جۋىق جاڭاوزەندىك (بەرالى ماڭعىستاۋ كومپانياسىنىڭ بۇرىنعى قىزمەتكەرلەرى) جينالدى.

ەنەرگەتيكا ءمينيسترى الماسادام ساتقاليەۆ ۇكىمەت وتىرىسىنان كەيىن ب ا ق وكىلدەرىنە بەرگەن سۇحباتىندا ۆەدومستۆو عيماراتىنىڭ ماڭايىندا تۇنەپ شىققان جاڭاوزەندىك جۇمىسشىلاردىڭ تالابى بويىنشا رەسمي شەشىم ازىرلەنىپ جاتقانىن ايتتى.

بۇل ماسەلەگە پىكىر بىلدىرگەن ۆيتسە- پرەمەر التاي كولگىنوۆ زاڭ اياسىندا ارەكەت ەتۋ قاجەتتىگىن، «تەندەردەن ۇتىلعان كومپانيانىڭ قايتادان ۇتىپ شىققانىن تالاپ ەتۋ» دۇرىس ەمەستىگىن ايتتى.