جاڭاوزەندىك جۇمىسشىلار سانكسيالانباعان ميتينگ وتكىزگەنى ءۇشىن پوليتسياعا جەتكىزىلدى
ەل زاڭناماسى بويىنشا، بۇقارالىق ءىس- شارالار جەرگىلىكتى اتقارۋشى ورگانداردى حاباردار ەتە وتىرىپ، تۇرعىنداردىڭ تىنىس- تىرشىلىگىن قامتاماسىز ەتەتىن نىسانداردىڭ قالىپتى جۇمىسىنا كەدەرگى كەلتىرمەيتىندەي، ارنايى رۇقسات ەتىلگەن جەردە ۇيىمداستىرىلۋى كەرەك.
ميتينگكە قاتىسۋشىلاردىڭ جەرگىلىكتى اتقارۋشى ورگاندارعا ميتينگ وتكىزۋ تۋرالى ءوتىنىش جولداماي، جەرگىلىكتى ءماسليحات شەشىمىنىڭ تىزىمىندە جوق جەردە سانكسيالانباعان شارا ۇيىمداستىرىپ، «بەيبىت جيىندار تۋرالى» زاڭىن بۇزۋىنا بايلانىستى پوليتسياعا اكسيانىڭ ءبىرقاتار ۇيىمداستىرۋشىسى مەن بەلسەندى قاتىسۋشىلارى جەتكىزىلدى.
زاڭ بۇزعاندار ق ر اكىمشىلىك قۇقىقبۇزۋشىلىقتار تۋرالى كودەكسىنىڭ 488 جانە 667- باپتارى بويىنشا جاۋاپقا تارتىلادى. اتالمىش باپتاردىڭ تالاپتارىنا سايكەس كىنالى ادامدارعا ەسكەرتۋ جاسالادى نەمەسە 30 ايلىق ەسەپتىك كورسەتكىش كولەمىندە ايىپپۇل سالىنادى. سونداي- اق 15 تاۋلىككە اكىمشىلىك قاماۋعا الىنۋى مۇمكىن.
زاڭبۇزۋشىلاردىڭ ارەكەتىنە قولدانىستاعى زاڭناما تالاپتارى بويىنشا باعا بەرىلەدى.
پوليتسيا ق ر بەكىتىلگەن قوعامدىق ءتارتىپتى بۇزا وتىرىپ، جينالىس، ميتينگ، دەمونستراتسيا، شەرۋ، پيكەت سياقتى وزگە دە بۇقارالىق ءىس- شارالاردى ۇيىمداستىرعانى ءۇشىن جاۋاپكەرشىلىك قاراستىرىلعانىن ەسكەرتەدى.
ەسكە سالساق، كەشە ەنەرگەتيكا مينيسترلىگى عيماراتىنىڭ الدىنا 70-كە جۋىق جاڭاوزەندىك (بەرالى ماڭعىستاۋ كومپانياسىنىڭ بۇرىنعى قىزمەتكەرلەرى) جينالدى. ەنەرگەتيكا ءمينيسترى الماسادام ساتقاليەۆ ۇكىمەت وتىرىسىنان كەيىن ب ا ق وكىلدەرىنە بەرگەن سۇحباتىندا ۆەدومستۆو عيماراتىنىڭ ماڭايىندا تۇنەپ شىققان جاڭاوزەندىك جۇمىسشىلاردىڭ تالاپتارى بويىنشا رەسمي شەشىم ازىرلەنىپ جاتقانىن ايتتى. بۇل ماسەلەگە بايلانىستى پىكىر بىلدىرگەن ۆيتسە- پرەمەر التاي كولگىنوۆ زاڭ اياسىندا ارەكەت ەتۋ قاجەتتىگىن، «تەندەردەن ۇتىلعان كومپانيانىڭ قايتادان ۇتىپ شىققانىن تالاپ ەتۋ» دۇرىس ەمەستىگىن ايتتى.
