كىشكەنتاي قاسىم-جومارت توقايەۆ تۇراتىن اۋىلدا ينتەرنەت پايدا بولدى
وتكەن جىلدىڭ كوكتەمىندە بۇقارالىق اقپارات قۇرالدارىندا كىشكەنتاي قاسىم-جومارت توقايەۆ تۇراتىن اۋىلدا ينتەرنەت جوق ەكەندىگى تۋرالى اقپارات تاراعان بولاتىن.
پرەزيدەنتتىڭ اتتاسى مەملەكەت باسشىسىمەن كەزدەسىپ، ءوزىنىڭ تۋعان اۋىلى ءۇشتوعايعا ينتەرنەت ورناتۋعا ءوتىنىش بەرۋدى ارمانداعان بولاتىن.
بىرنەشە اي وتكەننەن كەيىن Beeline قازاقستان كىشكەنتاي قاسىم-جومارت توقايەۆتىڭ ارمانىن ورىندادى.
وپەراتوردىڭ جانە سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ كومەگىمەن ءۇشتوعايدا بازالىق ستانتسيا ورناتىلىپ، جوعارى جىلدامدىقتى G4 ينتەرنەتى پايدا بولدى.
بۇگىنگى تاڭدا اۋىل تۇرعىندارى كۇنىنە 500 گ ب كولەمىندەگى موبيلدى ينتەرنەت-ترافيكتى پايدالانادى.
«بۇگىندە بايلانىس ەلەكتر ەنەرگياسى مەن سۋمەن جابدىقتاۋ سياقتى ماڭىزدى قاجەتتىلىكتەردىڭ بىرىنە اينالدى. اۋىل تۇرعىندارىنىڭ قالادا تۇراتىندارمەن بىردەي مۇمكىندىكتەرى بولۋى ماڭىزدى. سوندىقتان ءبىزدىڭ كومپانيانىڭ باستى ماقساتىنىڭ ءبىرى - سيفرلىق تەڭسىزدىكتى جويۋ»، - دەدى Beeline قازاقستاننىڭ اتقارۋشى ديرەكتورى ەۆگەني ناسترادين.
سونىمەن قاتار بۇگىنگى تاڭدا ءموبيلدى وپەراتور قازاقستاننىڭ سولتۇستىگىندە بايلانىس اياسىن كەڭەيتۋ جۇمىستارىن جۇرگىزۋدە. بۇگىندە قوستاناي وبلىسىندا 430 ەلدى مەكەنگە ءۇش جۇزدەن استام بايلانىس پەن ينتەرنەتتىڭ بازالىق ستانسيالارىن ورناتقان. سونىڭ ناتيجەسىندە كومپانيانىڭ بايلانىس جۇيەسىن بۇگىندە 500 مىڭ ابونەنت پايدالانادى.
«250+» باعدارلاماسى بويىنشا ەكى جىل ىشىندە ءموبيلدى وپەراتور 57 بازالىق ستانسيانى ورناتىپ، مودەرنيزاتسيالاعان. سونىمەن قاتار 30 مىڭ تۇرعىنى بار ايماقتا موبيلدى ينتەرنەتتىڭ بايلانىسى جاقسارعان.
2023-جىلى كومپانيا قوستاناي وبلىسىندا 16 جاڭا مودەرنيزاتسيالانعان جانە 12 بازالىق ستانيتسيانى سالۋدى جوسپارلاپ وتىر. وسىعان وراي ايماقتىڭ 33 مىڭ تۇرعىنى جوعارى جىلدامدىقتى ينتەرنەت پەن جاقسارتىلعان بايلانىسقا قول جەتكىزەدى.
