جەڭىلدەتىلگەن اۆتونەسيە: ايىنا قانشا اۆتوموبيل بەرىلۋى مۇمكىن

استانا. قازاقپارات - پرەمەر-ءمينيستردىڭ ءبىرىنشى ورىنباسارى رومان سكليار جەڭىلدەتىلگەن اۆتونەسيە باعدارلاماسىنا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«سىزدەر بۇل سۇراقپەن بىرنەشە مارتە جۇگىندىڭىزدەر. مەن دە سان رەت بۇل ماسەلەمەن اتالعان قاراجاتتى الىپ وتىرعان «بايتەرەك» اينالىساتىندىعىن ايتقان ەدىم»، - دەدى رومان سكليار ۇكىمەت وتىرىسىنان كەيىن ب ا ق وكىلدەرىنىڭ ساۋالىنا وراي.

سونىمەن قاتار ول قايتا قارجىلاندىرۋ ەسەبىنەن اي سايىن قانشا اۆتوموبيل بەرىلەتىندىگىن اتاپ ءوتتى.

«ءيا، شىندىعىندا قايتا قارجىلاندىرۋ ارقىلى اي سايىن تەك بار بولعانى 400-500 اۆتوموبيلدى جاڭارتپالى نەگىزدە بەرۋگە بولادى. ال كولىك ساتىپ العىسى كەلەتىن ادامداردىڭ سانى 100 مىڭنان اسىپ جىعىلادى. سوندىقتان «بايتەرەك» قازىرگى ۋاقىتتا اتالعان قاراجاتتى قالاي پايدالانۋعا بولاتىندىعىنا قاتىستى ءتۇرلى نۇسقانى قاراستىرىپ جاتىر»، - دەدى ءبىرىنشى ۆيتسە-پرەمەر.