قازاقستانعا قانشا جەڭىل كولىك اكەلىنگەنى ايتىلدى
2023-جىلدىڭ 1- توقسانىندا قازاقستانعا 83 ميلليارد تەڭگە سوماسىنا ك ت م س تولەي وتىرىپ، 25277 جەڭىل اۆتوكولىك (14409 ت د) اكەلىنگەن. بۇل بىلتىرعى سايكەس كەزەڭمەن سالىستىرعاندا 3,2 ەسەگە كوپ.
2022-جىلى قازاقستانعا 55251 جەڭىل اۆتوكولىك اكەلىنىپ، ولارعا 216 ميلليارد تەڭگە سوماسىندا كەدەندىك تولەمدەر مەن سالىقتار (ك ت م س) تولەنگەن.
«ءبىراق تاجىريبە بويىنشا، كوبىنەسە سىرتقى ەكونوميكالىق قىزمەتكە قاتىسۋشىلار اقشاسىن ۇنەمدەۋ ءۇشىن، تاۋارلاردىڭ كەدەندىك قۇنىن تومەندەتەدى، ياعني جالعان مالىمەتتەر نەگىزىندە كەدەندىك قۇندى دەكلاراتسيالايدى»، - دەيدى م ك ك وكىلدەرى.
ۆەدومستۆو مالىمەتىنشە، قازاقستان رەسپۋبليكاسىنىڭ كەدەن زاڭناماسىنا سايكەس اكەلىنەتىن تاۋارلاردىڭ (كولىك قۇرالدارىنىڭ) كەدەندىك قۇنى ولارمەن جاسالعان مامىلەنىڭ قۇنىن، ياعني وسى تاۋارلار ءۇشىن ءىس جۇزىندە تولەنگەن نەمەسە تولەنۋگە جاتاتىن باعاسىن جانە قازاقستانعا جەتكىزۋمەن بايلانىستى شىعىنداردى (تاسىمالداۋ، ساقتاندىرۋ) قامتيدى.
