التاي كولگىنوۆ جاڭاوزەندىكتەر تالابى تۋرالى: ءبىزدىڭ مىندەت - قولدا بار بوس جۇمىس ورىندارىن ۇسىنۋ

استانا. قازاقپارات - پرەمەر-ءمينيستردىڭ ورىنباسارى التاي كولگىنوۆ ۇكىمەت وتىرىسىنان كەيىن جاڭاوزەندىك جۇمىسشىلاردىڭ تالابى تۋرالى پىكىر ءبىلدىردى، دەپ حابارلايدى قازاقپارات ءتىلشىسى.

«مۇنىڭ ءبارى - كەلىسسوز ماسەلەسى. ءبارى زاڭ اياسىندا شەشىلۋى كەرەك. ولار تەندەردەن ۇتىلعان كومپانيا قايتادان ۇتىپ شىققانىن قالايدى. ءبىراق، بۇل مۇمكىن ەمەس. ءبارىن زاڭ اياسىندا ىستەۋ كەرەك. تەندەر تالاپتارى بار، ماسەلەنى سوت تارتىبىمەن نەمەسە زاڭدى نەگىزدە قاراۋ قاجەت. جاي عانا تالاپ ەتۋ - جۇمساقتاپ ايتقاننىڭ وزىندە دۇرىس ەمەس. ءبىزدىڭ مىندەت - ولارعا قولدا بار بوس جۇمىس ورىندارىن ۇسىنۋ. مەملەكەتتىك ورگاندار قازىر سولاي ىستەپ تە جاتىر»، - دەدى ۆيتسە-پرەمەر.

ب ا ق وكىلدەرى «جۇمىسشىلار تالابى تەندەردەن ۇتىلعان جۇمىس بەرۋشى كومپانيانىڭ لوببيى(ناقتىلى ءبىر توپتاردىڭ مۇددەلەرىن قورعايتىن جوباسىن جاقتاپ، مەملەكەتتىك تاپسىرىستى الۋ ءۇشىن تالاپتانۋى - رەد.) بولۋى مۇمكىن بە؟» دەگەن ساۋال قويدى.

«بۇل لوببي مە، ول جاعىن اشىپ ايتا المايمىن. ءبارىن زاڭ اياسىندا قاراۋ كەرەك. ۋاكىلەتتى ورگاندار كەلىسسىوز قورىتىندىسى بويىنشا اقپارات بەرەدى. مۇنىڭ ءبارىن اسىرەلەي بەرۋگە بولمايدى. فاكتىلەر بويىنشا قارايىق. ادامداردىڭ تالاپتارىن مەملەكەتتىك ورگاندار ەستىپ وتىر. وزدەرىندە بار وكىلەت اياسىندا ۇسىنىستارىن ايتىپ جاتىر»، - دەدى التاي كولگىنوۆ.