يمانعالي تاسماعامبەتوۆ قىزمەتىنەن كەتتى: ورنىنا تانىمال كاسىپكەر تاعايىندالدى
بەرىك قانيەۆ - قازاقستاندىق كاسىپكەر جانە قوعام قايراتكەرى. ول «Lancaster Group Kazakhstan» كومپانياسى ديرەكتورلار كەڭەسىنىڭ ءتوراعاسى، سونداي-اق ءبىلىم بەرۋ، سپورت جانە ەكولوگيا سالاسىنداعى ءبىرقاتار الەۋمەتتىك جوبالاردىڭ قۇرىلتايشىسى. ولاردىڭ قاتارىندا «Jas Qyran» فۋتبول ورتالىعى، رەسپۋبليكالىق فيزيكا-ماتەماتيكا مەكتەبى، فيزمات ەنداۋمەنت قورى جانە «Air Vision» ەكوفوندى بار. سونداي-اق، مەتسەنات رەتىندە «IQanat» جانە «انالار ءۇيى» جوبالارىن قارجىلاندىرادى.
فەدەراتسيانىڭ جاڭا پرەزيدەنتى قازاقستاندا گولفتى دامىتۋمەن جانە ناسيحاتتاۋمەن اينالىسۋعا نيەتتى. سونىمەن قاتار، وسى وليمپيادالىق سپورت تۇرىنە جاستاردى تارتۋ ءۇشىن بالالار مەن جاسوسپىرىمدەر گولفىن دامىتۋدى جوسپارلاپ وتىر.
ايتا كەتەيىك، يمانعالي تاسماعامبەتوۆ قازاقستان گولف فەدەراتسياسىنىڭ پرەزيدەنتى بولىپ بىلتىرعى جىلدىڭ مامىر ايىندا سايلانعان. ول بۇعان دەيىنگى باسشىسى نۇرتاي ابىقايەۆتى الماستىرعان.
ەلىمىزدە گولف فەدەراتسياسى 2006 -جىلى قۇرىلعان. سودان بەرى سپورتتىڭ وسى تۇرىنەن استانادا گولف كلۋبى اشىلىپ، «Ambassador'sCup» تۋرنيرى وتكىزىلە باستاعان. وعان قازاقستاننىڭ ساياسي قايراتكەرلەرى، شەتەلدىك بيزنەس-قاۋىمداستىقتىڭ جانە ەلىمىزدە تىركەلگەن ديپلوماتيالىق كورپۋستىڭ وكىلدەرى قاتىسقان.
