جانقوش تۇراروۆ تيتۋلىنان ايىرىلا ما؟ بوكس فەدەراتسياسى جاۋابىن بەردى

استانا. قازاقپارات - قازاقستاننىڭ كاسىپقوي بوكس فەدەراتسياسىنىڭ پرەزيدەنتى بولات مانكەنوۆ vesti.kz تىلشىسىنە الماتىداعى بوكس كەشىن ۇيىمداستىرعان Movida Promotions كومپانياسىنىڭ ليتسەنزيادان ايىرىلۋىنا قاتىستى ءمان-جايدى ايتتى، - دەپ حابارلايدى Massaget.kz ءتىلشىسى.

ايتا كەتەيىك، وسى بوكس كەشىندە جانقوش تۇراروۆ (27-0، 20 KO) IBO بەلبەۋىن جەڭىپ العان ەدى.

ەسكە سالايىق، كومپانيانىڭ نەگىزىن ءالىمجان قالدياروۆ قالاعان بولاتىن. ول پروموۋتەر عانا ەمەس، سونىمەن قوسا، جاڭقوشتىڭ مەنەدجەرى ەكەنىن دە ايتا كەتەيىك.

«فەدەراتسيا بوكسشىلارعا قارسى ەشقاشان سانكسيا قولدانعان ەمەس. ءبىز جىگىتتەرىمىزدىڭ جەتىستىكتەرىن ۇنەمى قولداپ جۇرەمىز. جانقوش تۇراروۆ قارسىلاسىن لايىقتى جەڭىپ، تيتۋلعا يە بولدى. ونىڭ جەكپە-جەگى ەسەپكە الىنادى. تيتۋلدى المايمىز. سانكسيا ەرەجە ساقتاماعان پروموۋتەرلىك كومپانيالارعا عانا قارسى قولدانىلادى»، - دەيدى مانكەنوۆ.