قىتاي اۋماعىن قۇمدى داۋىل باستى

بەيجىڭ. قازاقپارات - قىتايدا قۇمدى داۋىل سوعىپ تۇر. اۋا رايى قاۋىپتىلىگىنىڭ كوك دەڭگەيى جاريالاندى، دەپ حابارلايدى قازاقپارات ءتىلشىسى.

ق ح ر ورتالىق مەتەورولوگيا قىزمەتىنىڭ مالىمەتى بويىنشا، 11-12-ءساۋىر كۇندەرى قۇمدى جانە شاڭدى داۋىل شىنجاڭ، ىشكى موڭعوليا، حەبەي، شانشي، شەنسي، حەنان، لياونين، جيلين، حيلۇڭجياڭ، انحۇي، جياڭسۋ، حۋبي پروۆينسيالارىندا، سونداي-اق بەيجىڭ، تيانجين جانە شاڭحاي سىندى مەگاپوليستەردە كوتەرىلەدى دەپ كۇتىلۋدە.

ىشكى موڭعوليانىڭ ورتالىق بولىگىندە قۇمدى داۋىل قاتتى سوعۋى ىقتيمال.

اۋانىڭ لاستانۋى قىتاي استاناسىنىڭ ءبىرقاتار اۋداندارىندا دەنساۋلىققا «قاۋىپتى» دەپ باعالاندى. رم 10 بولشەكتەرىنىڭ كونتسەنتراتسياسى 1000 م ك گ/تەكشەدەن اسادى.

مەتەورولوگتار سارسەنبى كۇنى تاڭەرتەڭ جاعداي جاقسارىپ، اۋانىڭ لاستانۋ دەڭگەيى بىرتىندەپ تومەندەيتىنىن ايتتى.