قىزىلورداداعى توبەلەس: ىنىسىنە جاقتاسقان ستۋدەنت وقۋشىنى سوققىعا جىققان
وقيعا 10-ءساۋىر ساعات 17:35 شاماسىندا وبلىس ورتالىعىندا بولعان.
پوليتسياعا قالا اۋماعىنداعى كوپقاباتتى ۇيلەردىڭ ءبىرىنىڭ اۋلاسىندا ەكى ءجاسوسپىرىم اراسىنداعى توبەلەس تۋرالى حابار تۇسكەن.
وقيعاعا بايلانىستى قىزىلوردا قالالىق ءبىلىم ءبولىمى تومەندەگىشە تۇسىنىك بەردى.
«وبلىس ورتالىعىندا ورنالاسقان «اقمەشىت» شاعىناۋدانىندا №136-مەكتەپ- ليتسەيىنىڭ 8-سىنىپ وقۋشىسى مەن №9-مەكتەپ- گيمنازياسىنىڭ 9-سىنىپ وقۋشىسى اراسىندا ەرەگىس تۋىنداعان. «وردا» كوللەدجىنىڭ ستۋدەنتى №136-مەكتەپتە وقيتىن ىنىسىنە جاقتاسىپ جاراقات العان جاسوسپىرىمگە الىمجەتتىك كورسەتكەن»، - دەپ جازىلعان حابارلامادا.
ەسكە سالا كەتەيىك، 6-ساۋىردە قىزىلوردا وبلىسى قازالى اۋدانىندا ەكى مەكتەپتىڭ وقۋشىلارى اراسىندا جانجال تۋىنداعان بولاتىن.
وعان بايلانىستى ق ر قىلمىستىق كودەكستىڭ 293-بابىنا سايكەس تەرگەۋ امالدارى ءجۇرىپ جاتىر.
قازالىدا وقۋشىنى ۇرىپ-سوعۋ وقيعاسىنا بايلانىستى پوليتسيا باستىعى قىزمەتىنەن الىنادى.
