قازالىدا وقۋشىنى ۇرىپ-سوعۋ وقيعاسىنا بايلانىستى پوليتسيا باستىعى قىزمەتىنەن الىنادى
ەسكە سالا كەتەيىك، قىزىلوردا وبلىسى قازالى اۋدانىندا 6-ساۋىردە ەكى مەكتەپ وقۋشىلارى اراسىندا جانجال تۋىنداعان بولاتىن.
وعان بايلانىستى ق ر قىلمىستىق كودەكستىڭ 293-بابىنا سايكەس تەرگەۋ امالدارى ءجۇرىپ جاتىر.
«تەرگەۋ بارىسىندا جابىرلەنۋشىنى ۇرىپ-سوققان بارلىق جاس ءوسپىرىمنىڭ جەكە باسى انىقتالىپ، ولار ۋاقىتشا ۇستاۋ يزولياتورىنا قاماۋعا الىندى. ءتيىستى ساراپتامالار تاعايىندالعان. قازىر قازالى اۋدانىندا كريمينوگەندىك احۋال تۇراقتى. بالالار مەن جاسوسپىرىمدەر اراسىنداعى قىلمىستىڭ الدىن الۋ ماقساتىندا پوليتسيا قىزمەتكەرلەرى رەيدتى جالعاستىرىپ جاتىر. وبلىستىق پوليتسيا دەپارتامەنتى باستىعىنىڭ تاپسىرماسىمەن جەدەل جۇمىستار جونىندەگى ورىنباسارى قازالى اۋدانىندا ارنايى قۇرىلعان جەدەل شتابتىڭ قۇرامىندا جۇمىس ىستەپ ءجۇر. قۇقىق بۇزۋشىلىقتى دەر كەزىندە انىقتاپ، الدىن الۋ شارالارىن جۇرگىزبەگەن قازالى اۋداندىق پوليتسيا ءبولىمىنىڭ باسشىسىن قىزمەتىنەن بوساتۋ جونىندە ق ر ىشكى ىستەر مينيسترلىگىنە ۇسىنىس جولداندى. تاعى 10 قىزمەتكەر قاتاڭ سوگىس، سوگىس جانە ەسكەرتۋ تۇرىندە تارتىپتىك جازاعا تارتىلدى. قازىرگى ۋاقىتتا سوتقا دەيىنگى تەرگەۋ جالعاسىپ جاتىر»، - دەدى قىزىلوردا وبلىستىق پوليتسيا دەپارتامەنتى باستىعىنىڭ ءبىرىنشى ورىنباسارى شامشيدين اميتوۆ.
