الماتىدا جانبولات مامايعا قاتىستى سوت ۇكىمى شىقتى
الماتى قالالىق سوتىنىڭ باسپا ءسوز قىزمەتى مالىمەتىنشە، ول 6 جىلعا شارتتى تۇردە باس بوستاندىعىنان ايىرىلدى.
الماتى بوستاندىق اۋدانىنىڭ 2№ اۋداندىق سوتىندا مامايدى قۇقىقبۇزۋشىلىق جاسادى دەپ ايىپتاۋ ءىسى قارالدى: بيلىك وكىلدەرىن قىزمەتتىك مىندەتتەرىن پايدالانۋ كەزىندە قورلاۋ، كورىنەۋ جالعان اقپارات تاراتۋ جانە جاپپاي تارتىپسىزدىكتەر ۇيىمداستىرۋ (378-باپ 2-بولىگى، 274-باپ 2-بولىگى 3-تارماق، 272-باپ 1-بولىگى).
سوت ۇكىم شىعارۋ كەزىندە سوتتالۋشىنىڭ وڭ قاسيەتتەرىن جانە اسىراۋىندا ءۇش كىشكەنتاي بالانىڭ بولۋىن ەسكەردى. ەشقانداي اۋىرلاتاتىن ءمان-جاي انىقتالمادى. ماماي كىنالى دەپ تانىلدى.
«بۇل رەتتە بيلىك وكىلدەرىن قورلاعانى ءۇشىن - ەسكىرۋ مەرزىمىنىڭ اياقتالۋىنا بايلانىستى ءوندىرىس توقتاتىلدى. كورىنەۋ جالعان اقپارات تاراتقانى جانە ق ر قىلمىستىق كودەكسىنىڭ 63-بابى نەگىزىندە جاپپاي تارتىپسىزدىكتەر ۇيىمداستىرعانى ءۇشىن 6 جىلعا باس بوستاندىعىنان ايىرۋ تاعايىندالدى - شارتتى تۇردە، الەۋمەتتىك جەلىلەردە قوعامدىق-ساياسي قىزمەتپەن جانە پۋبليتسيستيكالىق قىزمەتپەن اينالىسۋ قۇقىعىنان 6 جىلعا ايىرا وتىرىپ. سوت ۇكىمى زاڭدى كۇشىنە ەنگەن جوق»، - دەپ حابارلادى الماتى سوتى.
بەلسەندى جانبولات ماماي 2022-جىلعى ناۋرىزدا قاماۋعا الىنعان ەدى.
