بوكستان ۇلتتىق قۇراماداعى دوپينگ داۋى: ازيا چەمپيوناتىنىڭ قولا جۇلدەگەرى جارىستان شەتتەتىلدى

استانا. قازاقپارات - بوكستان قازاقستان كومانداسىنىڭ مۇشەسى، 2022-جىلعى ازيا بىرىنشىلىگىنىڭ قولا جۇلدەگەرى ساماتالى تولتايەۆ دوپينگ داۋىنا بايلانىستى كوماندادان شەتتەتىلدى.

بۇل تۋرالى باس باپكەر مىرزاعالي ايتجانوۆ تا مالىمدەدى، دەپ جازادى Bassport.kz.

«مەن كومانداعا كەلگەن سوڭ، قايتادان دارىگەرلەردى، عىلىمي كەشەندى توپ قىزمەتكەرلەرىن جيناپ، جۇمىس ىستەي باستادىق. ولار جىگىتتەرگە دوپينگ تۋرالى ۇنەمى ەسكەرتىپ وتىرادى. ءتىپتى، كوشەدەن سۋ ىشۋگە بولمايتىنىن دا ەسكەرتەمىز. ال ءساماتالى دوستارىنىڭ، تانىستارىنىڭ ايتۋىمەن ۆيتامين ىشەمىن دەگەن ويدا بولعان. بۇگىندە ودان ەكىنشى سىناما الىنادى. حالىقارالىق كوميسسيا شەشەدى ءبارىن. قازىر ونى ۇيىنە قايتاردىق. جاتتىعۋ جيىندارىندا جوق. بوكسشىلار ماماندار مەن دارىگەرلەردىڭ باقىلاۋىندا»، - دەدى باس باپكەر.

ايتا كەتەلىك، ءساماتالى تولتايەۆتىڭ دوپينگ قولدانعانى دالەلدەنسە، ءتورت جىلعا سپورتتان شەتتەتىلۋى مۇمكىن.