وتكەن ايدا باسپانا باعاسى قالاي وزگەردى

استانا. قازاقپارات – ق ر ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسى تۇرعىن ءۇي نارىعىنداعى باعاعا قاتىستى مالىمەت ۇسىندى، دەپ حابارلايدى قازاقپارات.

ءبىر جىلدا (2022-جىلعى ناۋرىزبەن سالىستىرعاندا 2023-جىلعى ناۋرىزدا) پاتەرلەردى قايتا ساتۋ باعاسى - 7,3 پايىز، جاڭا تۇرعىن ۇيلەردى ساتۋ 9,3 پايىز قىمباتتادى. اباتتاندىرىلعان باسپانانى جالعا الۋ تولەمى 29,3 پايىز ارتتى.

جاڭا ۇيلەر ءبىر جىلدا اقتوبە (25,4 پايىز) جانە اقتاۋ (24,3 پايىز) قالالارىندا ەڭ كوپ قىمباتتادى. قايتالاما نارىقتا باعا ءوسىمىنىڭ ليدەرى - قىزىلوردا (37,8 پايىز)، اقتاۋ (32,6 پايىز)، سەمەي (31,6 پايىز)، قوستاناي (29,2 پايىز)، وسكەمەن (24,7 پايىز) قالالارى. ال تۇرعىن ءۇيدى جالعا الۋ نارىعىندا ەڭ جوعارى باعا كوكشەتاۋ (51,1 پايىز)، پەتروپاۆل (48 پايىز)، الماتى (45,4 پايىز) جانە قوستاناي (45 پايىز) قالالارىندا تىركەلدى.

ايتا كەتەيىك، ءبىر ايدا (2023-جىلعى اقپانمەن سالىستىرعاندا 2023-جىلعى ناۋرىزدا) جاڭا تۇرعىن ءۇيدى ساتۋ باعاسى - 1,2 پايىز ءوستى، ال پاتەرلەردى قايتا ساتۋ 0,7 پايىز تومەندەدى. ال باسپانانى ارەنداعا الۋ قۇنى الدىڭعى ايمەن سالىستىرعاندا وزگەرىسسىز قالدى.