تۇرعىن ۇيگە تابيعي گاز قۇبىرىن تارتۋدىڭ باعاسى بەلگىلەندى
«تۇتىنۋشىلارعا تابيعي گاز قۇبىرىن قوسۋ كەزىندە قۇرىلىس-مونتاجداۋ قىزمەتتەرى نارىعىندا قىزمەت كورسەتەتىن سۋبەكتىلەردىڭ مونوپولياعا قارسى كومپلاەنسى سىرتقى اكتىسى كەلىسىلدى. قۇرىلىس- مونتاجداۋ جۇمىستارى 97000 تەڭگەدەن 103000 تەڭگەگە دەيىن تۇرادى (25-30 م بويىنشا نەگىزدەلگەن)»، - دەلىنگەن حابارلامادا.
كورسەتىلگەن سوماعا جوبالىق-سمەتالىق جانە اتقارۋشىلىق-تەحنيكالىق قۇجاتتاما، قۇرىلىس-مونتاجداۋ جۇمىستارى مەن ماتەريالدىق شىعىن كىرەدى.
مونوپولياعا قارسى كومپلاەنس - باسەكەلەستىك تۋرالى زاڭنامانىڭ بۇزىلۋىن بولدىرماۋ جونىندەگى شارالار جۇيەسى. نارىق سۋبەكتىلەرى ءۇشىن مونوپولياعا قارسى كومپلاەنس جۇيەسىن ەنگىزۋدىڭ باستى ارتىقشىلىعى جوعارى ايىپپۇلدارمەن جانە جاعىمسىز سالدارلارمەن بايلانىستى باسەكەلەستىك زاڭناماسىن بۇزۋ تاۋەكەلدەرىن بارىنشا ازايتۋ.
«مونوپولياعا قارسى كەلىسىمگە قول قويۋ ارقىلى قۇرىلىس نارىعىنىڭ كاسىپكەرلەرى نارىقتىق ەكونوميكا مەن ادال باسەكەلەستىك قاعيداتتارىن ساقتاۋعا، قۇرىلىس-مونتاجداۋ قىزمەتتەرى قۇنىنىڭ نەگىزسىز وسۋىنە جول بەرمەۋ شارالارىن قابىلداۋعا مىندەتتى»، - دەپ مالىمدەدى دەپارتامەنتتەن.
