ەرىكتى تۇردە تاپسىرىلعان قارۋدىڭ قۇنى قالاي انىقتالادى

استانا. قازاقپارات – ءى ءى م- دە وتكەن بريفينگىدە اكىمشىلىك پوليتسيا كوميتەتى قارۋ اينالىمىن باقىلاۋ ءبولىمىنىڭ باستىعى اسىلبەك ىدىرىسوۆ تاپسىرىلعان قارۋدىڭ قالاي باعالاناتىنىن ءتۇسىندىردى، دەپ حابارلايدى قازاقپارات ءتىلشىسى.

«وتەماقى ماسەلەلەرىنە كەلەتىن بولساق، قارۋدى وتەمدى تاپسىرعانى ءۇشىن تولەمدەر مولشەرى ولاردىڭ تۇرىنە، تەحنيكالىق كۇي-جايىنا بايلانىستى ءار بىرلىگى ءۇشىن 34 مىڭنان 345 مىڭعا دەيىن ءار ءتۇرلى بولادى. سىياقى كولەمىن ءار وبلىستىق، قالالىق جانە اۋداندىق پوليتسيا ورگاندارىندا قۇرىلاتىن كوميسسيالار بەلگىلەيدى»، - دەدى اسىلبەك ىدىرىسوۆ.

ايتا كەتسەك، قارۋعا تولەنەتىن قاراجات كولەمى كەلەسىدەي:

- اۆتوماتتى ويىق قارۋ ءۇشىن - 345 مىڭ تەڭگەگە دەيىن؛

- ويىق ۇڭعىلى مىلتىقتار مەن كاربيندەر ءۇشىن - 172 مىڭ تەڭگەگە دەيىن؛

- تاپانشالار مەن ريەۆولۆەرلەر ءۇشىن - 138 مىڭ تەڭگەگە دەيىن؛

- تەگىس ۇڭعىلى مىلتىقتاردىڭ ءاربىر بىرلىگى ءۇشىن - 103 مىڭ تەڭگەگە دەيىن؛

- تراۆماتيكالىق تاپانشالار ءۇشىن - 34 مىڭ تەڭگەگە دەيىن.

«تولەمدەر مولشەرىن ايقىنداۋ كەزىندە كوميسسيالار قارۋدىڭ تەحنيكالىق جاي-كۇيىن ەسكەرەدى جانە ءتيىستى سانات بەرىلەدى. ولار بارلىعى 3 ساناتقا بولىنەدى. سوعان قاراي تولەم جۇرگىزىلەدى. سىياقى تولەۋ مەرزىمى – 1 اي»، - دەپ ءتۇسىندىردى اسىلبەك ىدىرىسوۆ.

بۇرىن حابارلاعانىمىزداي، 11 جىلدىڭ ىشىندە قارۋ تاپسىرعان قازاقستاندىقتارعا 1,9 ميلليارد تەڭگە تولەنگەن.