ۇزاق ۇيقى الجاسۋدىڭ بەلگىسى بولۋى مۇمكىن

استانا. قازاقپارات - ەگەر قارت ادام كۇندىز ءجيى، تۇندە ۇزاق ۇيىقتايتىن بولسا، دەمەك، بۇل ادامدا دەمەنسيا بەلگىلەرىنىڭ دامي باستاعانى.

فرانسيانىڭ دەنساۋلىق ساقتاۋ ۇلتتىق ينستيتۋتى ماماندارى 5000 ادامنىڭ دەنساۋلىعىن تەكسەرىپ، وسىنداي قورىتىندىعا كەلدى.

كلودين بەرر باستاعان زەرتتەۋشىلەر جاسى 65 تەن اسقان قاريالاردى باقىلاۋعا العان. ولاردىڭ بەستەن ءبىرىنىڭ شامادان تىس ۇيىقتايتىنى انىقتالدى جانە ءدال وسى توپ ينتەللەكتۋالدى تەستىلەۋدەن وتە الماعان. ال از ۇيىقتايتىن، سەرگەك جۇرەتىن قاريالاردا الجاسۋ بەلگىلەرى بايقالماعان.

«دەمەك، ۇيقىنىڭ ساپاسى ادامنىڭ اقىل-وي مۇمكىندىكتەرىنىڭ ناشارلاۋىنىڭ كورىنىسى بولا الادى»، - دەيدى ماماندار. بۇل پىكىردى امەريكالىق دارىگەرلەر دە قۋاتتاپ وتىر. ءبىر كەزدەرى مەدبيكە بولىپ جۇمىس ىستەگەن 15 مىڭ ايەلدى تەستىلەۋدەن وتكىزۋدىڭ ناتيجەسىندە كوپ ۇيىقتايتىن ادامداردىڭ السگەيمەر اۋرۋىنا بەيىم بولاتىنى راستالدى.