باتىس وڭىرىندە بولاشاق تۇمار حانشا ءوسىپ كەلەدى
سايىپقىران قىز وبلىستىق، رەسپۋبليكالىق تالاي بايراقتى باسەكەدە توپ جارىپ ءجۇر. ەر ادامدار كەلسە، كوپ جاقتىرمايدى. 1 جىل بولدى ارعىماعىمدى العانىما. ماعان ۇيرەنىسىپ كەتتى. داريا بيىل مەكتەپ بىتىرەدى. ۇلتتىق ءبىرىڭعاي تەستىلەۋگە دايىندىقتان سوڭ، ارعىماعىنا اسىعادى. ونى باپتاپ، جەم- ءشوبىن بەرەدى. كۇنىنە 2 ساعات اتپەن سەرۋەندەۋدى ادەتكە اينالدىرعان.
داريا بولات، وقۋشى:
- اتقا دەگەن قىزىعۋشىلىعىم «جاۋجۇرەك مىڭ بالا» دەگەن فيلمنەن باستالدى. ول كينودا سارتاي جانە قورلان دەگەن باتىر بولدى. سول باتىر قىزعا ەلىكتەپ، وسىلاي اتتىڭ ۇستىندە ساداق اتسام دەگەن، اتقا دەگەن قىزىعۋشىلىعىم باستالدى. سودان بەرى ءوزىم ات العىم كەلىپ، اتقا اقشا جيناپ، ءوزىم ات ساتىپ الدىم.
جانى قالاپ العانى - وسى جيرەنقاسقا. دارياعا ابدەن ۇيرەنگەن. بالا كۇنىنەن جىلقىنى جاقسى كورەتىن قىز كەيىن ساداق اتۋعا قىزىعىپتى. وڭىردەگى بەلگىلى مەرگەننەن ساباق الىپ، ساداق پەن جەبەنى جانىنا سەرىك ەتكەن. قازىر وسى جيرەنقاسقاسىنىڭ ۇستىندە جامبى اتىپ شىنىعىپ ءجۇر.
داريا بولات، وقۋشى:
- ەڭ ءبىرىنشى جارىسىم اتتىڭ ۇستىندە ەلوردامىز استانا قالسىنداعى جارىس بولدى. اتتىڭ ۇستىندە جامبى اتۋعا قاتىستىم. كوپتەگەن ەر ادامداردىڭ ىشىندە قىز بالا بولىپ قاتىسۋ وڭاي بولمادى. سوندا دا تاۋەكەل جاساپ قاتىستىم. كوپتەگەن ادامدار تاڭقالىپ ساداق اتقانىما، تالپىنىسىڭ جامان ەمەس دەپ ماقتادى.
داريانىڭ اكەسى بولات قازىر قىزىنا قولايلى جاعدايدىڭ ءبارىن جاسايدى. باسىندا اتقا مىنۋىنە رۇقسات بەرمەگەنىمەن، كەيىن قالاۋىنا قارسى كەلمەپتى. قىزىنىڭ تالپىسىنا قۋانىپ، ۇنەمى جانىندا بولۋعا تىرىسادى.
بولات بەرەكەنوۆ، داريانىڭ اكەسى:
- جىلقىعا ءمىنىپ، قولىن سىندىرىپ، ساۋساعىن سىندىرعاننان كەيىن. نەگىزى قارسى بولدىق. ءبىراق ودان بەرى قاراي قولىنا گيپس سالىپ، جاسىرىن اتقا ءمىنىپ، ءوزى توقتاتپايمىن، پاپا، وسىنى الىپ كەتەيىن دەپ ەدىم، دامىتايىن دەپ ەدىم دەپ، بالا كۇنىنەن مالعا جاقىن ەكەنىن بايقاعاسىن قولىن قاققان جوقپىز.
داريا مەكتەبىن بىتىرگەن سوڭ، ۇلتتىق سپورت اكادەمياسىنا وقۋعا ءتۇسۋدى جوسپارلاپ وتىر. ءتۇبىم تۇركى، تۇلىگىم جىلقى دەيتىن مەرگەن قىز وڭىردەگى ۇلتتىق سپورتتىق دامۋىنا ءوز ۇلەسىمدى قوسسام، دەيدى.
www.24.kz
