اتىراۋلىق قازاق قىتايعا بارىپ «پاندا ادام» اتاندى
2009 -جىلى كورشى ەلگە وقۋعا اتتانعان جەرلەسىمىز وسى كۇنگە دەيىن 6 مىڭ ميلليليتر قان وتكىزىپتى. سيرەك كەزدەسەتىن - تەرىس رەزۋس فاكتورلى قان توبىنىڭ يەسى قازىر حاينان پروۆينتسياسىندا جۇمىس ىستەيدى. ءداستۇرلى تۇردە جىلىنا 2 رەت قان تاپسىرىپ تۇرادى.
رۋسلان تولەنوۆ، دونور:
- ەڭ العاشقى رەت قىتايدىڭ جاڭا ءتوراعاسى قازاقستانعا بارا جاتىر، ەڭ العاشقى رەت كەزدەسۋ جانە ءسوز سويلەۋ، ينيتسياتيۆا تۋرالى. سول كەزدە مەن قازاقستاندىق قانداستارىمىزبەن بىرگە جاتحانادا تەلەۆيزور قارادىق قوي. تىڭداپ وتىرمىز ەندى، ول كەزدە قىتايشامىز ونداي كەرەمەت ەمەس. كەيبىر نارسەلەردى تۇسىنەمىز، كەيبىر نارسەلەردى تۇسىنبەيمىز. ءبىراق، ەكى يستوريا دەيدى عوي، ايتىپ كەتىپ وتىرعان كەزدە رۋسلان دەپ اتاپ كەتتى. ودان مەن بىلاي- بىلاي سۇراپ قويامىن، بىزدە قازاقستاننان حاينان ۋنيۆەرسيتەتىندە باسقا رۋسلان بار ما دەپ. مەن ءوزىم ەكەنمىن عوي. سودان كەيىن ءبارىمىز ءماز بولىپ قۋانىشتىمىز.
قىتايعا ءبىلىم ىزدەپ بارعان اتىراۋلىق جىگىت رۋسلاننىڭ وقيعاسى ەرەكشە. ونىڭ قانى - تەرىس رەزۋس فاكتورلى. الەمدە سيرەك كەزدەسەتىن قان توبىنىڭ يەسى دونور رەتىندە 2009 -جىلدان بەرى جىلىنا 2 رەت قان تاپسىرىپ، ناۋقاستارعا كومەك قولىن سوزىپ كەلەدى. بۇل ءۇشىن قىتاي حالىق رەسپۋبليكاسىنىڭ ءتوراعاسى شي جينپيڭ بىلتىر قازاق جىگىتىمەن كەزدەسىپ، جانقيارلىعىن جوعارى باعالادى.
رۋسلان تولەنوۆ، دونور:
- قان تاپسىرۋ - ءار ادامنىڭ نەگىزگى كومەكتەسۋ، حالىققا كومەكتەسۋ، ادامعا كومەكتەسۋ ءوزىنىڭ جۇرەگىنەن شىعاتىن نارسە عوي. مەن دە سونداي ويدامىن، ادامعا كومەكتەسۋ، شەكتەتپەۋ، بولمەۋ، ءبارىمىز ءبىر جەر شارىنىڭ ادامىمىز عوي.
كورشى ەلدە باكالاۆريات، ماگيستراتۋرا ءتامامداعان رۋسلان قازىر حاينان پروۆينتسياسىندا حالىقارالىق ەكونوميكالىق دامۋ بيۋروسىندا ىستەيدى. كىشكەنتاي كەزىندە كۋنگ-فۋ تۋرالى فيلم كورىپ وسكەن جىگىت بۇل ەلدى جايدان- جاي تاڭداماعانىن ايتادى. ەكى ەل اراسىنداعى دوستىق، ىنتىماقتاستىق قاتىناسى جىل سايىن وسەتىنىنە سەنىمدى.
رۋسلان تولەنوۆ، دونور:
- حاينان پروۆينتسياسىن، ەركىن ساۋدا پورتىن ىلگەرىلەتۋگە، حالىقارالىق ينۆەستيتسيالار تارتۋعا، وسى كومپانيالارعا قىزمەت كورسەتۋگە، سونداي- اق حايناندا تۇتىنۋ تاۋارلارىنىڭ حالىقارالىق كورمەسىن وتكىزۋگە جاۋاپتىمىن. بولاشاقتا حاينانعا قازاقستاننان ودان دا كوپ كومپانيالار تارتىلادى دەپ ۇمىتتەنەمىن، تۇتىنۋ تاۋارلارى كورمەسى ارقىلى قازاقستاندىق ونىمدەر، ءتۇرلى برەندتەر، كومپانيالار حاينان نارىعىنا، سونداي- اق بۇل ارقىلى قىتايدىڭ ۇلكەن نارىعىنا كىرە الادى.
رۋسلاننىڭ ەسىمىن عالامتورداعى قىتايلىق ىزدەۋ جۇيەسىنەن تەرسەڭىز، ول تۋرالى كوپ اقپارات شىعادى. ءتىپتى، ونىڭ ەسىمى جەرگىلىكتى «ۋيكيپەدياعا» ەنگەن. بۇل ەلدە جاس جىگىتتى جاناشىرلىعى ءۇشىن «اسىل ادام- پاندا» دەپ تە اتايدى. ويتكەنى، ول تالاي رەت وزگەنىڭ ءومىرىن ساقتاپ قالۋعا سەبەپشى بولعان.
www.24.kz
