10:38, 10 - ءساۋىر 2023 | GMT +5
قىتايدا تاۋىقتاردى ولگەنشە قورقىتقان ادام تۇرمەگە قامالدى
استانا. قازاقپارات - قىتايدا قولشاممەن 1100 تاۋىقتى قورقىتىپ، ولاردىڭ ولۋىنە سەبەپ بولعان ادام 6 ايعا تۇرمەگە قامالدى.
قىتايدىڭ مەملەكەتتىك ب ا ق-تارىندا جاريالانعان بۇل وقيعاداعى باستى كەيىپكەر - گۋ دەگەن تەگى بار ادام. ول كورشىسىنىڭ 1100 تاۋىعىن قورقىتىپ ولتىرگەن سوڭ سوت ونى كىنالى دەپ تانىدى، - دەپ جازادى CNN.
كورشىلەر گۋدىڭ اعاشىن جۋن ەسىمدى كورشىسى رۇقساتسىز وتاپ تاستاعان سوڭ ارازداسىپ قالعانى بەلگىلى بولدى.
ورتالىق قىتايداعى حۋنان پروۆينسياسىنا قاراستى حەنيان وكرۋگىنىڭ سوتى گۋ سوعان جاۋاپ رەتىندە جۋننىڭ فەرماسىنا بىرنەشە مارتە تۇندە ادەيى كىرگەنىن انىقتادى.
گۋدىڭ قولشامدى قانداي ماقساتتا قولدانعانى بەلگىسىز. الايدا قۇستار قولشامنىڭ جارىعىنان قاتتى قورقىپ، ءبىر بۇرىشقا توپتاسقاندىقتان ءبىر-ءبىرىن تاپتاپ كەتىپ، قىرىلىپ قالعان.
قىتاي بيلىگى 1100 ءولى تاۋىقتىڭ قۇنىن 13840 يۋانعا (892 مىڭ تەڭگە) باعالاپ وتىر.
BAQ. KZ
