امەريكالىق اۆتوموبيل شىعارۋشى كومپانيا شاڭحايدا گيگافابريكا سالادى

استانا. شينحۋا - قازاقپارات - امەريكالىق اۆتوموبيل شىعارۋشى كومپانيا Tesla Inc شاڭحاي قالاسىندا Megapack ەنەرگيا جيناقتاۋ ءوندىرىسى بويىنشا جاڭا گيگافابريكا سالاتىنىن ءمالىم ەتتى، دەپ حابارلايدى قازاقپارات شينحۋا اگەنتتىگىنە سىلتەمە جاساپ.

شاڭحايدا وتكەن جوبالىق قۇجاتتارعا قول قويۋ راسىمىندە حابارلانعانداي، جاڭا زاۋىتتىڭ قۇرىلىسىن باستاۋ بيىلعى ءۇشىنشى توقسانعا جوسپارلانعان، ال ءوندىرىس 2024 -جىلدىڭ ەكىنشى توقسانىندا ىسكە قوسىلادى.

باستاپقى كەزەڭدە جاڭا گيگافابريكا جالپى جيناقتالعان ەنەرگياسى شامامەن 40 گ ۆت/ساع بولاتىن جىلىنا 10 مىڭ Megapack شىعارادى. بۇل زاۋىتتا وندىرىلگەن ءونىم دۇنيە جۇزىنە ساتىلادى.

Tesla سايتىندا اتاپ وتىلگەندەي، Megapack - بۇل قۋاتتى مودۋلدىك باتارەيالار، ولار ەنەرگيانى ساقتاۋعا جانە ەنەرگەتيكالىق قولداۋدى قامتاماسىز ەتۋگە مۇمكىندىك بەرەدى. ولاردى پايدالانۋ ەنەرگيا جۇيەسىن تۇراقتاندىرۋعا جانە ەلەكتر قۋاتىندا ىركىلىستى بولدىرماۋعا كومەكتەسەدى.

زاۋىت شاڭحايداعى پيلوتتىق ەركىن ساۋدا ايماعىنىڭ لينگان ايماعىندا سالىنادى.