ۇلى بريتانيا كورولى مەن انگليا شىركەۋى اراسىندا ءتاج كيۋ راسىمىنە قاتىستى كەلىسپەۋشىلىك تۋدى
The Mail on Sunday گازەتى جەكسەنبىدە دەرەككوزدەرگە سىلتەمە جاساپ حابارلاعانداي، مونارح بۇل راسىمگە باسقا كونفەسسيا وكىلدەرىنىڭ بەلسەندىرەك قاتىسقانىن قالايدى جانە بۇل مىڭجىلدىق ۇلتتىق داستۇرگە قايشى كەلەدى.
باسىلىمنىڭ حابارلاۋىنشا، چارلز III ءتاج كيۋ ءراسىمىنىڭ بارىسىندا مۇسىلماندار، يندۋستار جانە ەۆرەيلەر حريستياندارمەن بىرگە ۆەستمينستەر ابباتتىعىنداعى سالتاناتتى راسىمدە ءوز دۇعالارىن وقۋعا مۇمكىندىك الىپ، «ءارتۇرلى وتكەنىن» جاقتايدى. ماقالادا تۋىنداعان كەلىسپەۋشىلىكتەردىڭ سالدارىنان ءتورت اپتا ۋاقىت قالعان ءتاج كيۋ ءراسىمىنىڭ رەگلامەنتىن جاريالاۋ كەيىنگە شەگەرىلگەنى اتاپ وتىلگەن.
باسىلىمنىڭ جازۋىنشا، چارلز III ۇستانىمى ونىڭ 30 جىلداي بۇرىن تەك انگليالىق ەمەس، بارلىق دىندەردىڭ قورعاۋشىسى بولعىسى كەلەتىنى تۋرالى سوزدەرىن دالەلدەيدى.
انگليا شىركەۋىنىڭ رۋحاني جەتەكشىلەرى ءتاج كيۋ ءراسىمى تازا «انگليالىق ءراسىم» ەكەنىن اتاپ وتەدى. كارل III باسقا ءدىن وكىلدەرىنىڭ قاتىسۋىمەن بولەك ءراسىم وتكىزە الاتىنى شامالانىپ وتىر.
74 جاستاعى III چارلزگە ءتاج كيگىزۋ ءراسىمى لوندونداعى ۆەستمينستەر ابباتتىعىندا 2 مىڭ ادامنىڭ قاتىسۋىمەن 6 -مامىر كۇنى وتەدى. ءىس- شاراعا بەلگيا، ۆەنگريا، يرلانديا، يسپانيا، موناكو، فرانسيا، جاپونيا باسشىلارى، ەۋروپالىق وداق باسشىلارى جانە شوتلانديانىڭ جاڭا ءبىرىنشى ءمينيسترى حامزا يۋساف شاقىرىلدى.
