تەمىربەككە تاعزىم
مەملەكەت جانە قوعام قايراتكەرى، ساياسي قۋعىن- سۇرگىن قۇربانى تەمىربەك قارا ۇلى جۇرگەنوۆتىڭ قازاق ونەرى، ادەبيەتى، مادەنيەتىنە جانە ءبىلىم سالاسىنا قوسقان زور ۇلەسىن دارىپتەۋ. مەملەكەتكە سىڭىرگەن ەڭبەگى مەن كۇرەسكە تولى ءومىر جولىنا شولۋ جاساۋ ارقىلى وسكەلەڭ جاس ۇرپاقتىڭ ساناسىنا مەملەكەتشىلدىك ۇعىمىن جانە ۇلتتىق مۇددەنى قورعاۋدى، ۇلتقا قىزمەت ەتۋدىڭ ازابى مەن ابىرويىن ءسىڭىرۋ ماقساتىندا وتكەن بۇل شاراعا مەملەكەت جانە قوعام قايراتكەرلەرى، عالىمدار، اقىن- جازۋشىلار، زيالى قاۋىم وكىلدەرى قاتىستى.
جيىننىڭ تىزگىنىن ۇستاعان قازاق ۇلتتىق ونەر ۋنيۆەرسيتەتىنىڭ اعا وقىتۋشىسى، اقىن- جازۋشى، كينودراماتۋرگ ۇلاربەك نۇرعالىم ۇلى تەمىربەك جۇرگەنوۆتىڭ ءومىر دەرەكتەرىنە قىسقاشا توقتالعاننان كەيىن عالىمدار مەن ت. جۇرگەنوۆ ءومىرىن زەرتتەۋشى جاستار تانىمال تۇلعانىڭ ءار قىرىنان ءسوز قوزعادى.
دوڭگەلەك ۇستەلدە «ونەر تانۋ» كافەدراسىنىڭ ستۋدەنتتەرى ت. جۇرگەنوۆتىڭ ۇلت ونەرىنە جاساعان قىزمەتى جايىندا بايانداما جاساسا، «مۋزىكالىق تەاتردىڭ ءارتىسى» ماماندىعىنىڭ 2-كۋرس ستۋدەنتتەرى جازۋشى- دراماتۋرگ ر. وتاربايەۆتىڭ «ناركوم - جۇرگەنوۆ» پەساسىن ساحنالادى.
