تۇرىك عالىمدارى جاسۋشا سانايتىن قۇرىلعى ويلاپ تاپتى
زەرتتەۋ يزميردەگى بيولوگيالىق مەديتسينا جانە گەنومدىق زەرتتەۋلەر ورتالىعىندا (İBG) دوكتور اريف ەنگين چەتيننىڭ باسشىلىعىمەن بيومەديتسينالىق ينجەنەريا فاكۋلتەتىنىڭ ستۋدەنتتەرى مەرەم بەيزا اۆجى جانە سيەۆيم دەنيز ياشاردىڭ قاتىسۋىمەن جۇرگىزىلدى.
توپ 10 اي بۇرىن ۇياشىقتاردى ساناۋ قۇرىلعىسىن جاساۋدى باستاعان. جوباعا تۇركيانىڭ عىلىمي- تەحنولوگيالىق زەرتتەۋ كەڭەسى (TـBİTAK) قولداۋ كورسەتتى.
جوبا جەتەكشىسى چەتين Anadolu اگەنتتىگىنە بەرگەن سۇحباتىندا تۇرىك عالىمدارى جاساعان جاسۋشا سانايتىن قۇرىلعىنىڭ نەگىزىنەن مەديتسينا سالاسىندا عىلىمي زەرتتەۋلەردە ءجيى قولدانىلاتىنىن ايتتى.
ونىڭ سوزىنشە، قۇرىلعى ءدال ولشەۋىنىڭ ارقاسىندا قاتەرلى ىسىككە بايلانىستى زەرتتەۋلەرگە، اتاپ ايتقاندا، قاتەرلى ىسىككە قارسى ءدارى جاساۋدا ءوز ۇلەسىن قوسادى.
چەتين الەمدە ءارتۇرلى جۇيەلەردى قولداناتىن كوپتەگەن ولشەۋ قۇرالدارى بار ەكەنىن اتاپ ءوتتى.
«ءبىزدىڭ جوبانىڭ قۇنى 45 مىڭ تۇرىك ليراسىنا باعالانىپ وتىر. قۇرىلعىنى جاساۋ كەزىندە ءبىز سوڭعى تەحنولوگيانى قولداندىق. نارىقتاعى ساپاسىز انالوگتاردىڭ قۇنى 120000 ليرادان باستالادى، ال جاقسى قۇرىلعى شامامەن 300000 ليرا تۇرادى»، - دەدى چەتين.
جوبا جەتەكشىسى بۇل قۇرىلعىنىڭ باسەكەلەس ارىپتەستەرگە قاراعاندا كوبىرەك ۇلگىلەردى سكانەرلەۋگە قابىلەتتى ەكەنىن اتاپ ءوتتى.
«ءبىز ازىرلەگەن قۇرىلعى ارقىلى 4 سەكۋندتا 3000 ۇياشىقتى ساناي الامىز. ءبىز قاتەلىك دەڭگەيىن 3 پايىزدان تومەن تۇسىردىك. كوپتەگەن كوممەرتسيالىق ۇلگىلەردە 10-20 پايىز قاتەسى بار. جوباعا ەكى شاكىرتىم قاتىستى»، - دەدى چەتين.
ونىڭ ايتۋىنشا، جوبانى جاقىن ارادا جاپپاي وندىرىسكە ەنگىزۋ باستامالارى قازىردىڭ وزىندە بار.
جوباعا قاتىسۋشى اۆدجي عالىمداردىڭ كلەتكالاردى ساناۋ كەزىندە زەرتحانادا كوپ ۋاقىت وتكىزگەنىن، ساناۋ ۋاقىتىن ازايتۋ ءۇشىن جۇمىس ىستەگەنىن جانە ولار ءساتتى بولعانىن ايتتى.
اۆتور
اسحات رايقۇل
