بوكستان تاشكەنتتە وتەتىن الەم چەمپيوناتىنا قانشا ەل قاتىساتىنى بەلگىلى بولدى

استانا. قازاقپارات - تاشكەنتتە وتەتىن الەم چەمپيوناتىنا قاتىساتىن بوكسشىلار سانى بەلگىلى بولدى، دەپ حابارلايدى Vesti.kz.

قازاقستان قۇراماسى دا قاتىساتىن بۇل جارىس 30- ءساۋىر مەن 14- مامىر ارالىعى وزبەكستان استاناسىندا وتەدى.

تۋرنيرگە 104 ەلدەن كەلەتىن بوكسشىلار قاتىسادى. قازىرگى تاڭدا 640 قاتىسۋشى تىركەلىپتى، ولار 13 سالماققا ءبولىندى. الايدا حالىقارالىق بوكس قاۋىمداستىعى (IBA) تىركەۋدى ءالى دە 14- ساۋىرگە دەيىن جالعاستىراتىنىن رەسمي سايتى ارقىلى حابارلاپ وتىر.

الەم چەمپيوناتىنىڭ جالپى جۇلدە قورى 5,2 ميلليون دوللار. ءار سالماقتاعى جەڭىمپازعا التىن جۇلدەمەن بىرگە 200 مىڭ دوللار تابىس ەتىلەدى. كۇمىس جۇلدەگەرلەرگە 100 مىڭ دوللار جانە قولاعا 50 مىڭ بەرىلەدى.