اجار عينيات قىزىلشا اۋرۋىنىڭ تارالۋىنا قاتىستى پىكىر ءبىلدىردى

استانا. قازاقپارات - دەنساۋلىق ساقتاۋ ءمينيسترى اجار عينيات ەلىمىزدە بالالار اراسىندا قىزىلشا اۋرۋىنىڭ تارالۋىنا قاتىستى پىكىر ءبىلدىردى، دەپ حابارلايدى قازاقپارات.

«قازىرگى كەزدە بالالار اراسىندا قىزىلشا اۋرۋى تاراپ جاتىر. ينفەكسيا اۋا ارقىلى تارايتىنى بەلگىلى. اۋرۋدى جۇقتىرۋدىڭ العاشقى دەرەكتەرى شەتەلدەن كەلگەندەر مەن تۋريستەردەن انىقتالدى، ياعني تۇركيادان، رەسەيدەن، مىسىردان كەلگەن ادامداردان بايقالدى. وسىنىڭ سالدارىنان بالالار اۋرۋدى جۇقتىرا باستادى. كوبىنە ەكپە الماعان بالالار اۋىردى، ولاردا اۋرۋعا قارسى يممۋنيتەت بولماعان»، - دەدى ا. عينيات.

وسى ورايدا ول قازىر قىزىلشاعا قارسى ەكپە الماعان بالالاردى ۆاكسينالاۋ ءجۇرىپ جاتقانىن ايتتى.

سونىمەن قاتار مينيستر مەكتەپتەردە كارانتين تالاپتارىن ەنگىزۋ قاراستىرىلماعانىن ايتتى. قىزىلشا اۋرۋىنا قاتىستى قاتاڭ شەكتەۋ ەنگىزۋدىڭ رەتى جوق.

بۇدان بۇرىن حابارلانعانداي، قازاقستاندىقتارعا قىزىلشا دەرتىن جۇقتىرۋ قاۋپى بار ەكەنى ەسكەرتىلدى.

اۆتور

رۋسلان عابباسوۆ