شىمكەنت مۇناي وڭدەۋ زاۋىتىندا جوندەۋ جۇمىسى مەرزىمىنەن بۇرىن اياقتالدى
جۇمىس مەرزىمىنەن بۇرىن اياقتالىپ، زاۋىت ىشكى نارىق ءۇشىن ءونىم شىعارا باستادى، دەپ حابارلايدى قازاقپارات قازمۇنايگاز باسپا ءسوز قىزمەتىنە سىلتەمە جاساپ.
جوسپارعا ساي ساۋىردە زاۋىت 366 مىڭ توننا مۇناي وڭدەۋى قاجەت.
بەنزين ءوندىرىسى 110,1 مىڭ توننا، ديزەل وتىنى - 114,8 مىڭ توننا، سۇيىتىلعان مۇناي گازى - 15,1 مىڭ توننا، اۋە وتىنى - 19,3 مىڭ توننا، مازۋت - 77,6 مىڭ توننا كولەمىندە جوسپارلانىپ وتىر.
بارلىق جوندەۋ جۇمىستارى ۋاقتىلى، ال كەيبىرى ۋاقىتىنان بۇرىن ورىندالعانىن اتاپ وتكەن ءجون.
ايتالىق، مۇنايدى باستاپقى ايداۋ قوندىرعىسى جۇمىس رەجيمىنە جوسپارلى مەرزىمىنەن ءبىر تاۋلىك بۇرىن، كاتاليتيكالىق كرەكينگ قوندىرعىسى 5 تاۋلىك بۇرىن شىعارىلدى.
مۇنايدى باستاپقى ايداۋ، كاتاليتيكالىق ريفورمينگ، ديزەل وتىنىن گيدروتازارتۋ، كەروسيندى گيدروتازارتۋ، كاتاليتيكالىق كرەكينگ قوندىرعىلارىنىڭ جەكەلەگەن بولشەكتەرىن اۋىستىرۋ، قالپىنا كەلتىرۋ جانە جابدىقتارىن باپتاۋ سياقتى ءىس- شارالار اتقارىلدى.
جوندەۋگە 22 مەردىگەر ۇيىم مەن 1305 مامان تارتىلىپ، جۇمىسقا جۇمىلدىرىلدى.
ماقساتى - زاۋىت جابدىقتارىنىڭ كەپىلدى جۇمىسىن قامتاماسىز ەتۋ.
«ازاماتتىق قورعاۋ تۋرالى» زاڭىنىڭ تالاپتارىنا ساي جابدىقتار مەن تەحنيكالىق قۇبىرلارعا تەحنيكالىق كۋالاندىرۋ مەن ونەركاسىپتەگى قاۋىپسىزدىگىنە ساراپتاما جۇرگىزىلدى.
2022 -جىلدىڭ قورىتىندىسى بويىنشا «پ ق و پ» ج ش س رەكوردتىق كولەمدە 6,2 ميلليون توننا مۇناي وڭدەگەنىن ەسكە سالا كەتەيىك.
بۇدان بۇرىن مەملەكەت باسشىسى زاۋىتتىڭ وندىرىستىك قۋاتىن ارتتىرۋ جانە مۇناي وڭدەۋ كولەمىن جىلىنا 12 ميلليون تونناعا دەيىن ۇلعايتۋ مىندەتىن قويدى.
