ەزۋتارتار
- وسى تالدا قانشا جاپىراق بولسا، مەنىڭ سونشا مالىم بولسا عوي شىركىن، - دەپ ويلانىپ، قيالداسا كەرەك. ونى ءبىر كورشىسى ەستىپ قويىپ:
- قوجەكە، سونشا مالىڭىز بولسا، مەنىمەن بولىسەر مە ەدىڭىز؟ - دەپتى. سوندا قوجانىسىر:
- وي، بىرەۋدىڭ مال-مۇلكىنە ورتاقتاسقانشا، باسقا تال تاۋىپ المايسىڭ با؟ - دەيدى.
بوس ەمەس
كورشىسى قوجاناسىردىڭ ۇيىنە ارقان سۇراپ كەلەدى. ۇيىنە كىرىپ، قايتا شىققان قوجەكەڭ:
- ارقان بوس ەمەس، ايەلىم ۇن سالىپ قويىپتى، - دەيدى.
- نە ايتىپ تۇرسىڭ ءوزىڭ، ارقانعا ۇن سالا ما ەكەن؟ - دەيدى ات-تاڭ بولعان كورشىسى.
- بىرەۋگە بەرگىسى كەلمەگەندە، ارقانعا ۇن سالىپ قويۋعا دا بولادى، - دەپتى سوندا قوجاناسىر.
ەكى قايىرشىنىڭ اڭگىمەسى
- سەن تەمەكى تارتاسىڭ با؟
- تاماقتان كەيىن عانا.
- قويمايسىڭ با؟
-ونسىز دا ءتورت كۇننەن بەرى تارتىپ جۇرگەن جوقپىن.
مەن ەمەس
مەكتەپ ديرەكتورى وقۋشىلارعا ۇرسىپ تۇر.
- مىنا تەرەزەنى كىم شاقتى؟
- مەن ەمەس، ونى ىستەگەن مارات قوي.
- ول مەن ەمەس دەپ تۇر عوي.
- وتىرىك ايتادى، مەن تاس لاقتىرعاندا ول ءوزى عوي ەڭكەيە قالعان...
قۇربىلار اڭگىمەسىنەن
تەلەفونمەن سويلەسىپ تۇرعان قۇربى قىزدار.
- سالەم، ەمتيحان قالاي ءوتتى؟ جۇرگىزۋشى كۋالىگىن الدىڭ با؟
- قازىر اۋرۋحانانىڭ جاراقات بولىمىندە جاتىرمىن، كۋالىكتى كەيىن الاتىن سياقتىمىن.
ازاپ تارتپاۋ
- مەنىڭ كۇيەۋىم ءبىز ۇيلەنگەننەن كەيىن ءبىر ايدان سوڭ قايتىس بولدى.
- جارىقتىق كوپ ازاپ تارتپاعان ەكەن...
كۇيەۋى مەن ايەلى
جۇما كۇنى كۇيەۋى ايەلىنە:
- قىمباتتىم، ءبىر-بىرىمىزگە كەرەمەت دەمالىس سىيلايىقشى!-دەيدى.
- وي، ارينە، قىمباتتىم!
- جاقسى، وندا مەن كەتتىم دۇيسەنبىگە دەيىن كورىسكەنشە.
ەمتيحان
ستۋدەنت كىلاستان شىعادى. جولداستارى تىقىرشىپ:
- قالاي، تاپسىردىڭ با؟ - دەيدى.
- تاپسىرعان سياقتىمىن...
- ول نە سۇرادى؟
- قايدان بىلەيىن، ول اعىلشىن تىلىندە سۇرادى عوي.
شوشىتۋ
ءبىر ايەل ماس كۇيەۋىن شوشىتپاق بولادى دا، اق ماتاعا ورانىپ، قولشامىن جاعىپ بارىپ، كۇيەۋىن جۇلقىلاي باستايدى. كۇيەۋى الدەزاماندا ىڭىرانىپ بۇرىلىپ:
- نە بولدى؟ سەن كىمسىڭ؟-دەيدى.
- مەن - الباستىمىن!
- وندا تانىسايىق، سەن وسى ۇيدەگى الباستىنىڭ اپايىسىڭ با، ءسىڭلىسىسىڭ بە؟
«اكە»
كەشكىسىن كەڭسەسىنەن كەلگەن كۇيەۋىن ايەلى قۋانا قارسى الىپ:
- ءبىزدىڭ بالاقايىمىزدىڭ ءتىلى شىقتى، سويلەدى، ءبىرىنشى ايتقان ءسوزى «اكە» بولدى! - دەيدى.
- شىن با؟! عاجاپ بولدى دەسەڭشى! قاشان سويلەدى؟!
- جاڭا عانا، تەلەديداردان مايمىلدى كورگەنىندە!
مايمىل مەن ارىستان
ءبىر ستۋدەنت قارنى اشىپ قالانى ارالاپ ءجۇرىپ، حايۋاناتار پاركىنە سوعادى. قاراسا، ادامدار مايمىلدارعا نان، جەمىس لاقتىرىپ جاتىر ەكەن. سودان كەيىن ول ءبىر مايمىلدى ءولتىرىپ، تەرىسىن جامىلىپ، تەمىر توردىڭ ىشىندە قارنى تويىپ وتىرا بەرىپتى. سودان ەمتيحان باستالاتىن ۋاقىت كەلەدى. كىرگەن توردان قالاي شىعارىن بىلمەگەن جىگىت وتىرىك ولسەم شىعارىپ تاستايدى» دەپ ويلاپتى. ءسويتىپ، وتىرىك ءولىپ قالىپتى، ونى ادامدار ءولىپ قالدى دەپ ارىستاننىڭ الدىنا اپارىپ تاستاپتى. ولگەن جەرىم وسى دەپ جىگىت ارىستاننان قاتتى قورقىپ وتىرسا، ارىستاننىڭ تەرىسىنەن ءبىر باس شىعىپ:
- باۋىرىم قاي ۋنيۆەرسيتەتتەن بولاسىڭ، - دەپتى.
بەس كوتتەدج
- قارىنداس، مەنىڭ سۋ جاڭا كولىگىمە وتىرعىڭىز كەلمەي مە؟
- باسىمدى قاتىرما! مەنىڭ جىگىتىم بار!
- قارىنداس، مەندە بەس كوتتەدج، 5 ميلليون دوللار بار. سىز نەگە ويلانىپ تۇرسىز؟
- جاڭا عانا جىگىتىممەن ايىرىلىسىپ كەتىپ ەدىم...
بالانىڭ اڭگىمەسى
- بالام، سەندەر بالاباقشادا دا وسىلاي توبەلەسەسىڭدەر مە؟
- ءيا.
- سەن بارىن ۇرىپ تاستايتىن شىعارسىڭ؟
- قايدان؟! تاربيەشى ءبارىمىزدى ۇرادى.
ەمحانادا
- دارىگەر، وتكەن جىلى ءسىز ماعان كۇنىنە 10 تەمەكىدەن ارتىق شەكپە دەپ ەدىڭىز عوي.
- ەندى بەسەۋدەن ارتىق بولماسىن.
- سوندا ماعان تەمەكىنى قويۋعا بولماي ما؟
ەكى جىگىتتىڭ اڭگىمەسىنەن
- سەنىڭ كەلەسى ومىردە كىم بولعىڭ كەلەدى؟
- بىلمەيمىن... مۇمكىن، ءيت بولارمىن.
- سوندا سەن ءومىرىڭدى مۇلدە وزگەرتپەيسىڭ بە؟
ەرلى-زايىپتىلار
- سەنى كورشىلەرىمىز نەگە «جىندىنىڭ ايەلى» دەپ اتايدى؟
- ەگەر سەن اقىلدى بولساڭ، ولاي دەپ اتامايدى عوي...
اقىلدى بالا
ءبىر جىگىت اۋلادا كىشكەنتاي بالانىڭ كوپ كامپيت جەپ وتىرعانىن كورىپ:
- ءتاتتىنى كوپ جەسەڭ، دەنساۋلىعىڭا زيان كەلەدى.
بالا:
- ال مەنىڭ اتام 105-كە دەيىن ءومىر سۇرگەن.
- سوندا ول كىسى دە كوپ كامپيت جەگەن بە؟
- جوق، ول بىرەۋدىڭ ىسىنە ارالاسپايتىن.
تاجىريبەلى دەپۋتات
العاشقى جيىنعا كەلگەندە جاڭا دەپۋتات بۇرىننان بەرى كەلە جاتقان ارىپتەسىنە:
- مىنا جەردە پىكىرتالاس، ايتىس-تارتىس ءوتىپ، ۋ-شۋ بولىپ جاتادى، قالاي ۇيىقتايسىڭدار وسى؟!
- باسىندا ءبىرتۇرلى بولادى، كەيىن ۇيرەنىپ كەتەسىڭ...
مەيرامحانادا
- مىنا تاماقتارىڭىز اشىپ كەتكەن عوي.
-سول ءۇشىن بىز بۇگىن بارىنە 75 پايىزدىق جەڭىلدىك جاساپ وتىرعان جوقپىز با؟!
پوليسيا بولىمشەسىندە
- ءيتىم ءوز-وزىنەن شىنجىرىن ءۇزىپ، قاشىپ كەتتى. كومەكتەسىڭىزدەرشى...
- ءسىز وعان دۇرىس قاراۋشى ما ەدىڭىز؟
- ءيا، اي سايىن تاماعىن بەرىپ تۇراتىنمىن.
