بيىل ەلگە ورالعان قانداستار قاي وڭىرلەرگە كوشىپ بارادى

استانا. قازاقپارات - بيىل قانداستار مەن قونىس اۋدارۋشىلاردى قابىلدايتىن وڭىرلەر انىقتالدى، دەپ حابارلايدى قازاقپارات ءتىلشىسى.

ەڭبەك جانە حالىقتى الەۋمەتتىك قورعاۋ مينيسترلىگى ازىرلەگەن بۇيرىق جوباسىنا ساي، بيىل قانداستار ەلىمىزدىڭ مىنا 8 وبلىسىنا قونىستاندىرىلادى:

1. اقمولا وبلىسى؛

2. اتىراۋ وبلىسى؛

3. شىعىس قازاقستان وبلىسى؛

4. باتىس قازاقستان وبلىسى؛

5. قوستاناي وبلىسى؛

6. پاۆلودار وبلىسى؛

7. سولتۇستىك قازاقستان وبلىسى؛

8. اباي وبلىسى.

ال، وڭتۇستىكتەن سولتۇستىككە قونىس اۋدارۋشىلاردى مىنا 8 ءوڭىر قابىلدايدى:

1. شىعىس قازاقستان وبلىسى؛

2. قوستاناي وبلىسى؛

3. پاۆلودار وبلىسى؛

4. سولتۇستىك قازاقستان وبلىسى؛

5. قاراعاندى وبلىسى؛

6. اقمولا وبلىسى؛

7. اباي وبلىسى؛

8. ۇلىتاۋ وبلىسى.

اشىق ن ق ا پورتالىندا جاريالانعان مينيسترلىك بۇيرىعى 21-ساۋىرگە دەيىن كوپشىلىك تالقىسىندا بولادى.

ايتا كەتەيىك، بىلتىر ەلگە ورالاتىن قانداستار سولتۇستىكتەگى 5 وبلىسقا قونىستانعان بولاتىن.

سونىمەن قاتار، بيىل قانداستاردى قابىلداۋ كۆوتاسىنىڭ سانى ۇلعايدى.

اۆتور

ءاليحان اسقار