09:28, 07 - ءساۋىر 2023 | GMT +5
تايۆان وكىلىنىڭ ا ق ش-قا ساپارىنان شۋ شىقتى
استانا. قازاقپارات - تايۆان اكىمشىلىگى باسشىسىنىڭ ا ق ش- قا جاساعان ساپارى شۋ تۋعىزدى.
تاياۋدا قۇراما شتاتتارىنىڭ پالاتا سپيكەرى كيەۆين ماككارتي تايۆان وكىلى ساي ينۆەنمەن كەزدەسكەن ەدى. بۇعان قىتاي قارسىلىق ءبىلدىرىپ وتىر. رەسمي بەيجىڭ مۇنى قىتاي حالىق رەسپۋبليكاسىنىڭ ەگەمەندىگىنە جانە تۇتاستىعىنا نۇقسان كەلتىرەدى دەيدى.
انىعىراق ايتساق، قىتاي تايۆاندى ءوز پروۆينتسياسى دەپ ەسەپتەيدى. ءبىراق مۇنى تايبەي مويىنداماي، تاۋەلسىزدىگىن ورناتۋعا كۇش سالۋدا. ال ا ق ش ەكى جاقتىڭ مۇددەسىن قورعاۋعا قاتىستى ستراتەگيالىق باعىت ۇستانۋدا. تايۆانعا قاتىستى داۋ سوڭعى كەزدەرى ۋشىعىپ بارادى. بۇعان دەيىن امەريكالىق وكىلدەر پالاتاسىنىڭ بۇرىنعى سپيكەرى نەنسي پەلوسيدىڭ دە تايۆان ەلىنە جاساعان ساپارى ءسوز بولعان ەدى. سالدارىنان قىتاي اۋقىمدى اسكەري جاتتىعۋلار ۇيىمداستىرعان.
www.24.kz
