قاراعاندىدا جىلقىدان ينفەكسيا انىقتالعان اۋىلدا كارانتين ەنگىزىلدى

استانا. قازاقپارات - قاراعاندى وبلىسىنىڭ بۇقار جىراۋ اۋدانىنا قاراستى ۇمىتكەر اۋىلىندا جىلقى مالى اراسىندا تارعان ەپيزووتيكالىق ليمفانگيت ينفەكسياسىنا بايلانىستى كارانتين ەنگىزىلدى، دەپ حابارايدى قازاقپارات ءتىلشىسى.

«قاراعاندى وبلىسى بۇقار جىراۋ اۋدانى ۇمىتكەر اۋىلدىق وكرۋگى ۇمىتكەر اۋىلى اۋماعىندا جىلقىلار اراسىندا ەپيزووتيكالىق ليمفانگويت اۋرۋىنىڭ پايدا بولۋىنا بايلانىستى كارانتين بەلگىلەنسىن. اۋداندىق ۆەتەريناريا ءبولىمى جانۋارلاردىڭ جۇقپالى اۋرۋىنىڭ تارالۋىنا جول بەرمەۋ ماقساتىندا، ەپيزووتيا وشاعىندا جانە قولايسىز پۋنكتتەردە ۆەتەريناريالىق- سانيتاريالىق قولايلى جاعداي جاساپ، قاجەتتى ۆەتەريناريالىق- سانيتاريالىق ءىس- شارالاردى وتكىزسىن»، - دەلىنگەن «اشىق» ن ق ا پورتالىندا جاريالانعان اۋىلدىق وكرۋگ اكىمىنىڭ شەشىمىندە.

ودان بولەك، تاياۋدا قوستاناي وبلىسىنىڭ اۋليەكول اۋدانىنا قاراستى ديەۆ اۋىلىندا ءىرى قارا مالدان برۋتسەللەز انىقتالىپ، ەلدى مەكەن اۋماعىندا شەكتەۋ شارالارى ەنگىزىلگەن ەدى.

اۆتور

ءاليحان اسقار