الماتىدا دزيۋدودان ازيا كۋبوگى وتەدى
اتالعان جارىس بەكەت ماحمۇتوۆتى ەسكە الۋعا ارنالادى، دەپ حابارلايدى قازاقپارات ءتىلشىسى.
الماتى قالاسىنداعى بالۋان شولاق اتىنداعى سپورت سارايىندا وتەتىن سايىستا جاس وسپىرىمدەر (2006-2007) مەن جاستار (2003-2005) باسەكەگە تۇسەدى.
IJF ەرەجەسىنە سايكەس ازيا كۋبوگىنىڭ جەڭىمپازدارى مەن جۇلدەگەرلەرىنە رەيتينگىگە ۇپاي قوسىلادى. جارىس جەڭىمپازىنا – 100، كۇمىس جۇلدەگەرگە – 60، قولا جۇلدەگەرگە - 40 ۇپايدان بەرىلەدى.
ازيا كۋبوگى بيىل التىنشى رەت ۇيىمداستىرىلادى. وعان قازاقستان، وزبەكستان، تاجىكستان، قىرعىزستان، موڭعوليا، گونكونگ، تۇرىكمەنستان، گرەكيا، گرۋزيا جانە ا ق ش- تان بارلىعى 400 دەن استام دزيۋدوشى قاتىسادى دەپ جوسپارلانعان.
بەكەت ساپابەك ۇلى ماحمۇتوۆ 2009-2012-جىلدارى ارالىعىندا قازاقستان دزيۋدو فەدەراتسياسىنىڭ پرەزيدەنتى بولدى. سونداي-اق ازيا دزيۋدو وداعىنىڭ ۆيتسە-پرەزيدەنتى قىزمەتىن اتقارعان.
بۇعان دەيىن قازاقستاندىق دزيۋدوشىلار الەمدىك رەيتينگىدە كورسەتكىشتەرىن جاقسارتقانىن جازعان بولاتىنبىز.
