ءاليا نازاربايەۆا سوت الدىندا جاۋاپ بەرۋى مۇمكىن
ايىپتالۋشىنىڭ ادۆوكاتتارى بۇل ءىس بويىنشا ءاليا نازاربايەۆادان جاۋاپ الۋدى سۇرادى، - دەپ حابارلايدى Tengrinews.kz ءتىلشىسى.
ەلورداداعى بايقوڭىر اۋدانىنىڭ 2№ سوتىندا الدىن الا تىڭداۋلار ءوتىپ جاتىر.
ايىپتالۋشى ورنىندا بۇرىنعى ەكولوگيا، گەولوگيا جانە تابيعي رەسۋرستار ۆيتسە-ءمينيسترى احمەتجان ءپىرىمقۇلوۆ، «و ك م وپەراتورى» ج ش س باسقارماسىنىڭ بۇرىنعى ءتوراعاسى مەدەت قۇمارعاليەۆ، بۇرىنعى قارجى ديرەكتورى رۋستام تەمىربەك جانە «و ك م وپەراتورى» كومپانياسىنىڭ بۇرىنعى باس ديرەكتورى، ۋكراينا ازاماتى سۆەتلانا كوروتەنكو وتىر.
ءىس بويىنشا ايىپتالۋشىلار «و ك م وپەراتورى» ج ش س- دە ميللياردتاعان دوللار جىمقىردى دەپ ايىپتالعان.
الدىن الا تىڭداۋ بارىسىندا كوروتەنكونىڭ ادۆوكاتى قىلمىستىق ءىستى قوسىمشا تەرگەۋگە قايتارۋدى سۇرادى.
«مەنىڭ كليەنتىمە 2016-جىلدىڭ 18- مامىرى مەن 2019-جىلدىڭ 18- قاراشاسى ارالىعىندا «و ك م وپەراتورىنىڭ» باس ديرەكتورى بولعان كەزدە قىلمىستىق جوسپار ۇيىمداستىرىپ، ەكولوگيا مينيسترلىگى مەن «و ك م وپەراتورىنىڭ» قىزمەتكەرلەرىن قاتىستىرىپ، ولاردىڭ اراسىندا قىلمىستىق رولدەردى ءبولىپ، ولارمەن قىلمىستىق كەلىسىمگە كەلىپ، قاراجاتتى جىمقىرعان دەگەن ايىپ تاعىلىپ وتىر. (...) «و ك م وپەراتورى» ج ش س 2015-جىلعى 23- قاراشادا جالعىز قاتىسۋشى - قۇرىلتايشىسى بولعان ءاليا نازاربايەۆانىڭ شەشىمىمەن قۇرىلدى.
قورعاۋشى تاراپ ايىپتاۋ ورگانى 2016-2019-جىلدار ارالىعىندا و ك م قۇجاتتاماسىن، قۇرىلتايشىلاردىڭ، اتاپ ايتقاندا نازاربايەۆانىڭ شەشىمىن قاساقانا تالاپ ەتپەدى دەپ سانايدى، ويتكەنى بۇل ينفراقۇرىلىمدىق كاسىپورىن قۇرۋعا باستاماشى بولعان كوممەرتسيالىق كاسىپورىندار يەسىنىڭ جەكە باسىن جاسىرۋعا تىرىسۋعا بايلانىستى. ءدال ءىس ماتەريالدارىندا ماڭىزدى قۇجاتتاردىڭ بولماۋى مەنىڭ قورعاۋىمداعى ادامنىڭ ارەكەتىنە قۇقىقتىق باعا بەرۋگە اسەر ەتتى»، - دەدى ادۆوكات.
ادۆوكاتتىڭ ءوتىنىشى بويىنشا، 17- قازانداعى الدىن الا تىڭداۋ كەزىندە كوروتەنكو «اقشالاي قاراجاتتى جۇمساۋ تۋرالى شەشىم قابىلداعان سەرىكتەستىكتىڭ قۇرىلتايشىسى نازاربايەۆانى» قىلمىستىق جاۋاپكەرشىلىككە تارتۋ ماقساتىندا «قوسىمشا تەرگەۋ ءۇشىن قىلمىستىق ءىستى قايتارۋ تۋرالى» ءوتىنىش ءبىلدىردى.
«نازاربايەۆاعا ءىس بويىنشا قاماۋعا الىنعان زاۋىت تيەسىلى. ول زاڭسىز اقشاعا سالىنعاندىقتان تاركىلەنۋى مۇمكىن. ول (نازاربايەۆا – ە س ك.) ءبىزدىڭ ءىس بويىنشا ەشقانداي جاعدايدا، ەشقانداي مارتەبەدە قارالىپ جاتقان جوق. ءبىز ودان بىرنەشە رەت جاۋاپ الۋدى سۇرادىق. (...) ونىڭ مۇلكى قاماۋعا الىنسا دا»، - دەپ قوستى ادۆوكات.
ەسكە سالايىق، 2022-جىلدىڭ 1- ساۋىرىندە 13 ميلليارد تەڭگەدەن اسا قارجى جىمقىردى دەگەن كۇدىكپەن «و ك م وپەراتورى» ج ش س بۇرىنعى باسقارۋشى ديرەكتورى ۇستالعان بولاتىن.
